Nota de prensa
PARDEIRO VOLVERÁ CONTAR CON COA CADETE SILVIA RUBAL NO PRIMEIRO EQUIPO
O técnico do Burela FS Pescados Rubén, Javier Pardeiro, volverá contar coa promesa máis nova do equipo da Primeira División para 2011-12, coa cadete Silvia Rubal.
Silvia, que se incorporou oficialmente ao primeiro cadro a mediados da tempada pasada, transmitiu a súa ledicia por ter “unha nova oportunidade de seguir aprendendo co Burela FS Pescados Rubén”. “Tiven un ano marabilloso, estiven moi a gusto; os consellos tanto do adestrador coma das compañeiras servíronme de moito e incluso puiden gozar dalgún minuto” dixo a cadete, que espera “manter esta liña”.
Pardeiro destacou “a enorme capacidade de traballo e incrible evolución” da novísima xogadora. “Esta tempada non marcaremos obxectivos moi específicos; o importante é que Silvia se vaia formando fisicamente, xa que está moi lonxe do seu máximo nivel, e profunde no coñecemento do xogo para ter unha base sólida” explicou o estratega laranxa, que fixo especial fincapé na aposta do CD Burela FS pola formación feminina: “O club traballa dende hai tempo no impulso e fortalecemento da base feminina. Sen ir máis lonxe, no curso pasado, Claudia realizou un brillante labor co equipo infantil; obtivo uns avances inimaxinables con rapazas que daban os seus primeiros pasos neste deporte”. ”Este é o camiño axeitado” concluíu o adestrador burelista.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
