Nota de prensa
OS XARDÍNS DO EUDO DOURADO ACOLLERÁN O VINDEIRO SÁBADO A PRESENTACIÓN DA ÚLTIMA NOVA DE MIGUEL SANDE, A VIDA FORA. DESPOIS HABERÁ UN CONCERTO OFRECIDO POR DOUS TXALAPARTARIS VASCOS.
Barreiros, 3 de agosto de 2011. Os xardíns do Eido Dourado acollerán o vindeiro sábado a presentación da última novela de Miguel Sande, A vida fora. O acto que se iniciará ás 21 horas rematará cun concerto ofrecido por dous txalapartaris vascos.
Dourado explicou que “esta fin de semana no Eido Dourado seguiremos co ciclo cultural que iniciábamos a pasada fin de semana co concerto-presentación de Doa na Mariña. E neste caso o sábado ás 21 horas teremos a presentación da nova novela de Miguel Sande, un escritor de sobra coñecido na Mariña xa que tamén ostenta o cargo de delegado de La Voz de Galicia para esta comarca”.
O artista barreirense subliñou que “se trata dunha novela moi interesante e de moita actualidade na Mariña e en Barreiros. A trama desenvólvese nun determinado lugar no que unha anciá, María, en cadeira de rodas ve pasar os días a través dunha ventá ata que un edificio en construcción lle quita o único que lle quedaba, que era a vista. O título da novela é A vida fora”.
O acto dará comezo ás nove da noite nos xardíns do Eido Dourado, na praia de A Pasada en San Miguel de Reinante, “o relato iniciarao o vicepresidente da Deputación de Lugo, Antonio Veiga, bó coñecedor da obra de Miguel Sande, continuará o amigo destas terras mariñáns Manuel Lourenzo, que quere estar ao lado do escritor e xornalista neste día e despois intervirá o autor da novela. Miguel Sande narrará a trama desta súa obra. E para rematar esta especie de tertulia aberta imos gozar coa música de dous txalapartaris vascos, que ofrecerán un pequeno concerto no Eido Dourado. Son Ander e Víctor, acompañantes habituais de Kepa Junkera”.
Celso Dourado convida a asistir a este acto aberto e gratuito a todos os que desexen vivir e compartir unha noite cultural o sábado 6 de agosto nos xardíns do seu espazo adicado ao arte. O ciclo cultural que se iniciaba no Eido Dourado, en palabras do seu creador, “seguirá o vindeiro ano, pero neste mes de agosto xa poido adiantar que estamos a preparar unha nova cita musical na que o jazz será o protagonista”.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
