Nota de prensa
A Deputación adiantará 21,5 millóns de euros en 2012 ós Concellos adheridos ó Sistema de Recadación Provincial
– Martínez salienta o esforzo inversor da institución que deixa de ter este cantidade na súa conta para pasarlla a 51 municipios, garantíndolles ingresos mes a mes e gañando liquidez
– O éxito desta iniciativa fixo que a institución rebaixase do 6% ó 3% a porcentaxe que os municipios deben aboar, acadando os 500.000 euros de aforro anuais ós Concellos
– A Xunta de Goberno aproba as últimas obras do canon en Sober, liquidando a débeda histórica neste municipio logo de investir preto de 450.000 euros en 11 novas actuacións
O voceiro provincial socialista, Manuel Martínez, anunciou este venres que a Deputación adiantará 21,5 millóns de euros en 2012 ós Concellos que se sumaron ó pioneiro Sistema de Recadación na provincia que puxo en marcha a institución en 2008, dentro do plan de medidas de aforro ós Concellos lucenses. Martínez salientou o esforzo inversor do organismo xa que deixa de ter esta importante cantidade económica na súa conta para pasarlla ós 51 municipios adheridos a esta iniciativa, garantíndolles novos ingresos mes a mes e gañando liquidez.
Este ano, a Deputación está a anticipar mensualmente máis de 1,7 millóns de euros (máis de 20,8 millóns ó ano) ós Concellos que delegaron na institución a recadación de impostos municipais como o IBI (Impostos de Bens e Inmobles, cuxa campaña comeza o vindeiro 15 de setembro), IAE (imposto sobre Actividades Económicas), ICV (imposto de Circulación de Vehículos) taxas de auga, lixo, sumidoiros ou antenas parabólicas.
Martínez incidiu en que este Sistema, ademais de supor unha inxección económica mensual para os Concellos nun momento no que as dificultades económicas están facendo mermar as súas contas, conleva a maiores un significativo aforro ó ano para cada municipio. Evitan primeiro a contratación dunha empresa exterior. Ademais, o feito de que a Deputación asuma a recadación de impostos dun total de 51 Concellos, supuxo a rebaixa do 6% ó 3% na porcentaxe que os municipios deben aboar en periodo voluntario. Todo isto conleva un aforro de 500.000 euros anuais ós Concellos.
Dende a posta en marcha do Sistema de Recadación Provincial a institución adiantou un total de 62,2 millóns de euros ós municipios. As vantaxes desta iniciativa fixo que se incrementase o número de Concellos adheridos, pasando dos 44 iniciais ós 51 que hai actualmente. “Temos que ter en conta que cantos más sexamos, máis eficientes podemos ser e, sobre todo, podemos reducir máis custes”, salientou o voceiro.
Fin da débeda do canon en Sober
A Xunta de Goberno aprobou novas obras por valor de 84.586 euros en Sober. Trátanse de traballos de pavimentación nos accesos de 7 localidades deste municipio: A Merla, Sancomede, Sampil, Rosende, Gullufre-Os Canares e Os Corgos. Son as últimas actuacións con cargo ó canon neste Concello coas que, por tanto, a Deputación pon fin a débeda histórica que mantiña a institución con este municipio do sur da provincia.
En total, o organismo provincial investiu en Sober mediante esta iniciativa 445.320 euros para a execución de 11 obras acordadas co propio Alcalde. A excepción dos 2 traballos que hoxe se acordaron, están finalizadas as restantes 9 actuacións.
Estas son as seguintes: acondicionamento de accesos en Proendos, área recreativa, Arroxo, Santa María e Bolmente (39.640 euros); saneamento e abastecemento en Mer (35.142 euros); abastecemento a Carqueixa (17.083 euros); saneamento e abastecemento en Froxán (48.517 euros); acondicionamento de accesos e alumeado público en Regueiro, Mogueiro, A Boca e Fervenza (41.037 euros); acondicionamento de accesos en Barantes, Barreiros e Bulso (44.965 euros); acondicionamento en Cadaval, Bananta, Piantes, Camilo e rúa da Panadería (43.721 euros); acondicionamento de accesos en Prados, Matama e Rosende (31.887 euros); e pavimentación rúa do Progreso (58.734 euros).
Máis obras
A Deputación levará a cabo 3 novas obras en Cervantes, Guntín e Vilalba por valor de 35.765 euros, financiados na súa totalidade pola institución. A Xunta de Goberno aprobou os plan de seguridade e saúde destas actuacións, sendo un dos últimos trámites necesarios para inicialas nos vindeiros días. En Cervantes, mellorarase a canalización de aguas pluviais no núcleo de Piornedo, achegando para elo 9.456 euros; construirase un novo centro social en Guntín, investindo 16.703 euros; e acondicionaranse os accesos a Penas e Ventorro, na parroquia vilalbesa de Sancobade, ademais do de Rebordaos na localidade de Insua, tamén en Vilalba. O presuposto destas últimas actuacións é de 9.606 euros.
A Xunta de Goberno deu o visto e prace a 5 contas xustificativas do Plan de Comunidades Veciñais nos Concellos de Xermade, Vilalba e Barralla. Están dotadas con 58.000 euros dos que o organismo provincial aporta 25.500 euros.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
