O PP de Burela considera un escándalo que non se entregaran as vivendas do Torno e vai reunirse cos veciños

NOTA DE PRENSA

O GMPP considera “unha bulra e un escándalo” que ainda non se teñan entregadas as chaves das vivendas do Torno.

Culpan a Nieves Cando de dar largas ós adxudicatarios.

Aseguran que hai familias que están en situación económica apurada.

O GMPP burelés indicou hoxe a través dunha nota de prensa que o proceso de entrega das chaves das trinta e duas vivendas sociais de O Torno, comenzadas durante o mandato do PP na Xunta de Galicia, e que contan con licencia de primeira ocupación desde hai ano e medio, “é unha bulra ós adxudicatarios, e un auténtico escándalo”, porque as trinta e duas familias adxudicatarias levan ano e medio sen poder ocupalas.

Para os populares, a Consellería de Vivenda da Xunta de Galicia, e o BNG de Burela, especialmente Nieves Cando, teñen que pedir perdón publicamente polo trato denigrante e insultante que lles están dando ós afectados. Afectados que día si e día tamén van ó concello para que se axilice o proceso e só reciben largas por parte de Nieves Cando. O mesmo acontece se chaman á Xunta de Galicia, que non aclara nada, e eso que levan ano e medio rematadas.

E todo esto ante o pasotismo do alcalde, que “nin está, nin se lle espera”, coma caseque sempre. É realmente deprimente que o alcalde “pase” deste asunto, cando están en xogo as vivendas de trinta e dúas familias e a súa calidade de vida. A verdade é que este alcalde serve para ben pouco.

Como se ve, en época de crise os socialistas e os nacionalistas tratan ós mais necesitados con desprecio e non se preocupan en absoluto polas famílias. En consecuencia, cando falan de adoptar medidas para atallar a crise, minten, porque nin toman ningunha, nin toman ningunha que axude ós máis necesitados.

Segundo o GMPP, todo o que di a consellería sobre vivendas protexidas é fume, porque en Burela aínda non foron capaces de entregar as chaves destas trinta e dúas, tampouco foron capaces de cederlle á Xunta a finca de Torrentes, o que demostra que en Burela non se iniciou ningún expediente para comenzar nin unha soa vivenda protexida nova.

Pola contra, buscan o enfrontamento cos veciños expropiando solares en Foxo a cincuenta e seis euros e especulando despois con eles.

Finalmente, o PP pide que se entreguen as chaves urxentemente ós adxudicatarios, porque a situación xa é insostible. Nós xá dixemos que as chaves se entregarían en Febreiro; se así o fan, o desprecio ós cidadáns e uso clientelar dos cartos públicos que fai o BNG quederán sobre da mesa.

O PP reúnese con colectivos veciñais.

O PP, continuando coa liña habitual de manter reunións periódicas cos colectivos e asociacións burelesas, manterá hoxe unha reunión coa Asociación de Veciños O Vencello, para tratar asuntos de interese xeral para os veciños e veciñas de Burela.

Igualmente, mañán, xoves, o PP tén prevista unha reunión con directivos da Asociación de Veciños das Casas Baratas, para tratar temas propios do barrio, así como aqueles que, ainda sendo de interese xeral, poidan ter especial incidencia nos veciños que ocupan estas vivendas.

En próximos días o PP manterá reunión con representantes de outros colectivos con ámbito de actuación en Burela.

En Burela,a vinteún de Xaneiro de dous mil nove.

O Partido Popular de Burela.