Nota de prensa:
AS OBRAS DE RECUPERACIÓN DA ENSENADA DA VILAVELLA ENTRAN NA SÚA RECTA FINAL. FERNANDO SUÁREZ ASEGURA QUE NO PRAZO DUN MES SERÁN ENTREGADAS AO CONCELLO E SUBLIÑA QUE ESTA RUTA SUPORÁ UN REVULSIVO MOI IMPORTANTE PARA O TURISMO.
Ribadeo, 19 de setembro de 2011. Entran na recta final as obras de recuperación medioambiental da ensenada da Vilavella, a senda peonil das Aceas e a rehabilitación dos muiños de marea, que está a realizar o Ministerio de Medio Ambiente. O alcalde, Fernando Suárez, asegura que no prazo dun mes serán entregadas ao Concello e subliña que esta ruta suporá un revulsivo moi importante para o turismo que chega a Ribadeo.
Suárez Barcia sinalou que “estamos encarando a recta final do que vai ser esta obra tan bonita, tan atractiva e tan importante tanto desde o punto de vista etnográfico como turístico. Trátase dunha nova ruta que parte da praia dos Bloques, seguindo pola enseada Vilavella e a través dun sendeiro irá dar ata os muiños das Aceas”. O alcalde de Ribadeo lembrou que “hai tres anos expropiamos os terreos e os puxemos a disposición do Ministerio de Medio Ambiente, e agora están a rematar unhas obras que a un mes vista estarán entregadas ao Concello. Xa vemos que hai xente que está a pasear por esta ruta, aínda que está sen inaugurar, ademáis non deberían empregala para evitar calquera tipo de problema, pero está dando unha imaxen moi positiva e distinta do que moita xente ve desde a estrada N-642, que é a que vai ata A Veiga. Ata o momento só se observaba unha pantalla de eucaliptos e non se divisaba o que agora se poderá ir vendo”.
Fernando Suárez engadía que “estes días vánse instalar os mecanismos dos muiños de mareas para que se poida ver por parte de turistas e escolares cómo funcionaba un muiño de mareas, cómo funciona un muiño de regato. Estamos a pensar qué utilidade darlle á antiga fábrica de algas, que se chamaba así aínda que non fabricaban algas senón que lle sacaban os principios activos a esta flora mariña”. O rexedor considera que “esta actuación será un revulsivo desde o punto de vista turístico para Ribadeo, non puido estar operativa para este verán de 2011, pero para este nadal ou para a semana santa de 2012 estará a disposición de todos os turistas e visitantes deste concello de Ribadeo, que está a destacar polo seu atractivo para que veña máis e máis xente a disfrutar da nosa gastronomía, da nosa hostelería, etc”.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
