Nota de prensa:
O Observatorio da Mariña comeza a súa programación de outono este xoves coa presentación do libro Madeira de Muller, de Adela Figueroa
Será ás 20.30h na Casa das Letras de Ribadeo, coa presenza da autora e
ilustradora │ O III Cineforum ‘Mulleres do mundo’, a Axenda feminista 2012, distintas actividades cos IES e o ‘Outono feminista’ completan a programación
Coa chegada do outono, comeza tamén a nova programación de actividades a prol da sensibilización de xénero do Observatorio da Mariña pola Igualdade.
22 de setembro, Ribadeo: Presentación da obra MADEIRA DE MULHER
No primeiro día de outono, a libraría Casa das Letras de Ribadeo acollerá este xoves día 22, a partir das 20.30 horas, a presentación do libro Madeira de Mulher (Ediciós do Castro), unha escolma de contos da escritora e activista Adela Figueroa, ilustrados por María Celsa Sánchez. O acto, organizado polo Observatorio da Mariña pola Igualdade, estará presentado por Loli Docobo e contará coa presenza de autora e ilustradora, nun ambiente de música e boa conversa.
[ADIANTO DE ACTIVIDADES PARA O OUTONO]
22 de outubro (non de marzo), Mondoñedo: I OUTONO FEMINISTA
Un mes despois, o sábado 22 de outubro, terá lugar o I OUTONO FEMINISTA organizado polo Observatorio da Mariña pola Igualdade, un encontro concibido como espazo de debate e lecer no que pór en valor o traballo desenvolto polas mulleres galegas no ámbito cultural, entendendo a cultura como factor dinamizador dun pobo e dunha sociedade. Será en Mondoñedo, con actividades durante o todo o día, entre as 10 da mañá e as 20.30 da tarde, e contaremos coa presenza de mulleres galegas referentes no eido literario como Teresa Moure, Carme Blanco e Marica Campo; no eido musical como Olga Nogueira, Ugia Pedreira, e Guadi Galego; e no eido audiovisual como Carme Rábade, Diana Gonçalves e Margarita Ledo.
Proxectarase tamén a curta “Bata por fóra, muller por dentro” de Claudia Brenlla, e o documental “Mulheres na raia” de Diana Gonçalves, seguidos por un tempo de debate e reflexión. Haberá un xantar de convivencia, parcialmente financiada polo Observatorio para as súas socias e socios (custe reducido de 8€ para socias, e prezo íntegro de 12 € para as persoas non socias).
A partir do xoves 27 de outubro, durante 4 xoves consecutivos, Foz: III edición do vídeo-forum “MULLERES NO MUNDO” (coa colaboración da UNED e de Radiofoz)
A terceira edición do vídeo-forum “MULLERES NO MUNDO”, organizado polo Observatorio da Mariña pola Igualdade, comezará o xoves 27 de outubro e prolongarase durante catro semanas. Os filmes proxectaranse en horario de tarde (cara á noitiña) no salón de actos do IES de Foz. O obxectivo do videoforum é achegarlle mediante o cinema á cidadanía mariñá e galega a realidade vital de mulleres moi diversas pertencentes a ámbitos sociais e culturais afastados e distantes, e a temática escollida para este ano son “As Mulleres en América Latina”. Deste xeito, buscamos complementar aspectos xa vistos en anteriores edicións sobre mulleres afgás, israelís, arxelinas, serbias, indias, iraníes, etc. Os filmes que se visionarán este ano, e sobre os que se reflexionará na sesión de debate posterior ao visionado, son:
27 outubro: Las mujeres de verdad tienen curvas (México, EUA)
3 novembro: La niña santa (Arxentina)
10 de novembro: La teta asustada (Perú)
17 de novembro: Qué tan lejos (Ecuador)
Novembro:
Presentación da Axenda Feminista 2012 do Observatorio da Mariña pola Igualdade.
Tralo éxito da axenda 2011, dedicada ao tema “12 meses, 12 reivindicacións”, desde o Observatorio queremos seguir contribuíndo á sensibilización de xénero mediante unha nova edición da axenda feminista, que este ano terá como temática “12 meses, 12 músicas”. Cada mes estará encabezado pola fotografía e textos de músicas galegas como Mercedes Peón, Uxía Senlle, Guadi Galego, Tareixa Novo, Sés ou Ugia Pedreira, que porán letra nos seus textos ao binomio música e muller.
Decembro:
Presentación do proxecto Trivial Feminista, organizado polo Observatorio da Mariña pola Igualdade e elaborado conxuntamente cos centros educativos de secundaria da Mariña. Será un xeito lúdico de aprender, mediante preguntas e respostas propostas polas mozas e mozos mariñás, máis sobre a historia moitas veces silenciada das mulleres galegas, das mulleres do mundo, dos fitos do movemento feminista, e das contribucións de homes e mulleres á causa da igualdade de xénero ao longo dos séculos.
Prégase máxima difusión.
Saúdos cordiais,
OBSERVATORIO DA MARIÑA POLA IGUALDADE
Para máis información, poden CONTACTAR con
LOLI DOCOBO: 666427099
ANA MÉNDEZ-IRAGORRI: 627.037.668
observatorioigualdade@gmail.com
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
