Nota de prensa:
VILLARES PUIDO EVITAR A SANCIÓN A FINAIS DE 2010 PERO FIXO CASO OMISO Á XUNTA E Á DEPUTACIÓN CANDO O ALERTARON DAS IRREGULARIDADES
-O alcalde foi avisado da mala colocación dos postes nos meses de outubro, novembro e decembro, “minte cando asegura que ata o 14 de febreiro non tivo coñecemento do asunto”
-A data 1 de marzo cando Villares presenta a primeira alegación, os postes seguían sen retirar, “mostra da súa ineptitude e falta de responsabilidade”
-Lara Méndez lembrou no pleno o suceder dos feitos detallada e cronolóxicamente, Balseiro “quedou sen argumentos e recurriu á demagoxia e persecución política únicamente para defenderse da situación”
CERVO, 14 DE OUTUBRO. O pleno celebrado onte no Concello de Cervo foi unha boa oportunidade para poñer enriba da mesa o porqué da sanción ó Concello por parte da Deputación Provincial. Os socialistas denuncian que “o señor Villares puido ter evitado este problema a finais do pasado ano 2010 e minte ó dicir que o tema lle era totalmente alleo. O alcalde era conocedor da mala colocación dos postes nos últimos meses do ano. Non só o di o GMS senón que o ratifica o titular da delegación de Xestión Territorial da Deputación de Lugo e a Xunta de Galicia a través dun comunicado enviado ó Concello.
Neste aviso, é a mesma Xunta de Galicia quen asegura que “durante os meses de outubro, novembro e decembro do ano pasado se celebraron diferentes reunións, tanto a pé de obra coma no Concello, nas que se advertiran irregularidades e anomalías na colocación dos famosos postes, pois non se axustaban ós permisos doutras administracións”. Neste senso, “o alcalde de Cervo non pode dicir que o primeiro coñecemento que tivo do asunto foi o 14 de febreiro, porque xa fora avisado moito antes e tiña que ter actuado a finais de ano”.
A pesares de tódalas advertencias, non se preocupou nin o máis mínimo do perigo que supoñía para os veciños e fixo caso omiso a tódolos organismos. Por este motivo, dende o GMS sinalamos que “non é unha sanción ós veciños, como eles intentan reflexar, é unha sanción á actitude do alcalde, por considerarse por riba do ben e do mal e non mostrar a máis mínima vontade de querer solucionar o problema dende o principio. De feito, o señor Villares, despois de ser avisado en varios ocasións continuou sen facer caso, e só se preocupou un pouco máis do tema cando lle chega o expediente sancionador. Preocupación que tampouco foi esaxerada pois, ó mesmo tempo que presenta as alegacións a data 1 de marzo, os postes seguían sen retirar. Actitude que reflexa a ineptitude e a falta de responsabilidade deste rexedor”.
A portavoz do GMS, Lara Méndez, durante o transcurso do pleno fixo unha exposición exhaustiva e detallada do suceder dos feitos cronolóxicamente, argumentos que deron sentido as súas opinións sobre o caso. O señor Balseiro, portavoz do goberno en Cervo, ante as explicacións da voceira socialista, “quedou sen argumentos, e tivo que recurrir ó tema da demagoxia e á persecución política únicamente para defenderse da situación”.
Finalmente, os socialistas engaden que “nós non queremos que o Concello sexa sancionado, todo o contrario, lamentamos profundamente o sucedido, pero esta situación era reversible. O señor Villares foi alertado do tema en varias ocasións e por diferentes administracións pero non lle deu a gana de solucionar o problema. A lei ten que ser igual para todos. O noso alcalde cre que está por riba dela e iso non se pode consentir”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
