Nota de prensa:
O CONCELLO REMATA DISTINTOS TRABALLOS DE MELLORA NO CAMIÑO DA PONTIGA, EN RÚA
Estas obras forman parte das actuacións programadas polo equipo de Goberno cervense ao abeiro do Plan de Obras e Servizos do presente ano
Consistiron na construción dunha ponte e dun drenaxe transversal neste vial que une os lugares de A Ruela e O Cristo.
O POS 2011 foi contratado por 49.266 euros e con el tamén se levaron a cabo senllas pavimentacións na rúa do Muíño (Cervo) e na Ponte Romana (San Ciprián)
Cervo, 14 de outubro de 2011.- O alcalde de Cervo, Alfonso Villares, ven de anunciar o remate das obras levadas a cabo polo Concello no camiño da Pontiga, en Rúa. Os traballos consistiron na realización dun drenaxe transversal e tamén na creación dunha ponte neste vial que une os lugares da Ruela e O Cristo. Segundo precisou o rexedor, a nova ponte construíuse nun lugar “onde antes non a había” e con ela “facilitarase en gran medida o tránsito por este lugar”.
Con esta actuación na parroquia de Rúa finalizan as tres intervencións programadas polo Goberno local cervense ao abeiro do Plan de Obras e Servizos (POS) do ano 2011. Ademais desta actuación, o POS 2011 tamén abrangueu a pavimentación na zona da Ponte Romana en San Ciprián e na rúa do Muíño, no núcleo de Cervo. En total, a contía dos traballos feitos ao abeiro deste plan ascenderon a 49.266,24 euros.
O rexedor cervense dixo que o Goberno local vai seguir priorizando nas obras, investimentos e melloras que sexan máis necesarias.”En este caso acometinmos dúas obras en zonas urbanas como son os núcleos de Cervo e San Ciprián; e outra na zona rural, como foi a de Rúa… A nosa intención é continuar na nosa liña marcada dende hai anos e tentar que tódolos investimento-xa sexan propios ou procedentes doutras administracións- podan chegar a tódolos lugares do concello e dese xeito materializar obras en beneficio do conxunto dos nosos veciños” indicou o alcalde.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
