O XORNALOURO
Mans amigas achegáronos o nº32 da revista anual, voceiro do IES Alfoz-Valadouro do nome que encabeza estas liñas. Pulcramente editada, a todo cor, papel de alta calidade, as 50 páxinas, con mais de 150 fotografías e debuxos, ofrecen ampla información da vida do Centro e da súa contorna: de aí que na portada destaque a presenza das cinco rapazas gañadoras provinciais do concurso de debuxo da ONCE, na compaña de Paz Quiroga, a profesora de Arte. Outra compañeira gañou o concurso de debuxo de Bibliotecas Municipais. Parabéns a alumnas e profesora pois alguén dixo que “os discípulos son a biografía dos mestres”. O contido da revista transcende o ámbito colexial, acaso co loable propósito de interesar ós mozos/as nos distintos aspectos que atinxen á vida cidadá dos dous concellos: ofrece colaboracións, asinadas non só por alumnos, senón tamén por xentes alleas ó mesmo, reportaxes sobre distintas potencialidades da bisbarra, deportes, entrevistas, novas das numerosas actividades culturais que se levan a cabo no colexio, nas que o teatro, a produción de cortos cinematográficos e a programación de Radio Valadouro, festivais artísticos, e demais teñen un significado protagonismo baixo a experta batuta do polifacético profesor Pepe Peinó, dedicacións que dan seus froitos, pois varios daqueles artistas acadan nome no mundo da farándula, con actuacións sorprendentes (véxase “O primeiro paciente”…), algúns incruso ante as cámaras da TV…Hai na revista dúas seccións singulares: unha enquisa feita entre alumnos/as baixo o epígrafe de “Test de gustos” e “Crítica constructiva” pola que o director do Centro explica aspectos internos dos que se fan comentarios mais ou menos disconformes. Unha actitude que, por inusual naqueles que gobernan resúlta chamativa e que nós consideramos moi positiva e, incluso, didáctica.. A publicación ten grande atractivo: é amena, de presentación impecable e contido variado, ben tratado. Felicitamos ó Centro, xerme de tan prolífica actividade socio-cultural e, por suposto, ó equipo de redacción de O Xornalouro.
Suso Fernández
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.