A DEPUTACIÓN RECLAMARÁ A INSTANCIAS DO BNG QUE A XUNTA DEA MAIOR PESO A LUGO NO CONSELLO DE ADMINISTRACIÓN DA AUTORIDADE PORTUARIA
Esta mañá asinouse o acordo de goberno da Deputación, que se levará ao vindeiro pleno, para instar á Consellaría de Pesca a que modifique a composición do Consello de Administración da Autoridade Portuaria Ferrol – San Cibrao, aumentando a presenza lucense
O BNG levou a iniciativa deste acordo para que o Consello de Administración se equilibre en función da aportación que en concepto de taxas cada un dos portos fai aos ingresos da Autoridade Portuaria
Lugo, 20 de outubro de 2011. A Deputación de Lugo asinou esta mañá un acordo de goberno, a instancias do Grupo Provincial do BNG, coa finalidade de instar á Consellaría do Mar a que modifique a composición do Consello de Administración da Autoridade Portuaria Ferrol – San Cibrao, aumentando a presenza lucense ao equilibrar a súa composición en función da aportación que en concepto de taxas cada un dos portos fai aos ingresos da referida Autoridade Portuaria.
Con esta medida, segundo defendeu o deputado mariñán do BNG, e vicepresidente da Deputación de Lugo, Antonio Veiga, “pretende lograrse unha redistribución máis equitativa en función do que ingresa en cada porto polo concepto de taxas”. Segundo argumentou Antonio Veiga, “as contas da Autoridade Portuaria Ferrol-San Cibrao non deixan lugar a dúbidas do trato discriminatorio que a mesma mantén en relación coa área da costa de Lugo, limitando a súa actuación ao arranxo e mantemento de faros e balizas, mentres contrasta cos importantes investimentos que a mesma acomete na zona de Ferrol, tanto no potenciamento da actividade económica como no apoio ás actividades sociais e culturais”.
Neste camiño, Veiga afirmou que “desde o BNG entendemos que esta situación se pode solucionar se aumentamos a representación lucense no Consello de Administración da Autoridade Portuaria, xa que nestes momentos só se limita directamente a un único vogal, o designado alternativamente polos concellos de Cervo e Xove”. Por iso, Antonio Veiga afirmou que “para aumentar este peso específico que debe ter Lugo neste Consello de Administración da Autoridade Portuaria, adoptamos este acordo de goberno para no vindeiro Pleno da Corporación Provincial se aprobe instar á Xunta de Galiza, nomeadamente á Consellería do Mar, a que modifique a composición do Consello de Administración da Autoridade Portuaria Ferrol-San Cibrao, para que esta se faga en función da aportación que en concepto de taxas cada un dos portos fai aos ingresos da referida Autoridade Portuaria”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
