Nota de prensa:
A COMISIÓN DE CONTAS ABORDARÁ MAÑÁ A ACTUALIZACIÓN DAS ORDENANZAS FISCAIS
Unha boa parte destas ordenanzas procederán á súa actualización conforme ao IPC (índice de prezos ao consumo). Así mesmo, modificarase a ordenanza reguladora do imposto de circulación de vehículos de tracción mecánica e a do abastecemento de auga
Cervo, 20 de outubro de 2011.- O alcalde de Cervo, Alfonso Villares, convocou para mañá venres, 21 de outubro, unha reunión da Comisión de Contas municipal co obxecto de dar a coñecer aos seus integrantes a proposta do grupo de Goberno de levar a Pleno a próxima semana a actualización das ordenanzas fiscais que rexen neste concello.
Segundo Villares, unha boa parte destas ordenanzas procederán á súa actualización conforme ao IPC (índice de prezos ao consumo). Así mesmo, modificarase a ordenanza reguladora do imposto de circulación de vehículos de tracción mecánica e a do abastecemento de auga. Respecto a esta última o rexedor dixo que a actualización de prezos no subministro de auga ben motivada pola posta en marcha da nova rede de abastecemento e da nova estación de tratamento da Senra. “Dende a posta en marcha desta nova infraestrutura compartida con Burela, o conxunto dos veciños do noso concello melloraron moito en canto á calidade do servizo, ao tempo que todos os núcleos do nosos termino municipal teñen garantido o subministro de auga en tódalas circunstancias” lembrou o alcalde.
O rexedor adiantou que, segundo os datos elaborados polo Servizo de Intervención Municipal, o custe anual deste renovado e mellorado servizo vai supoñer 298.922,66 euros ao ano para o conxunto dos veciños do termino municipal. “O que pretendemos é recadar o máximo posible dentro desta cantidade e, polo tanto, vémonos obrigados a actualizar á alza a taxa de subministro; que pasará de 0,44 euros o metro cúbico a 0,62” adiantou o rexedor. Villares tamén indicou que con estes novos prezos a recadación municipal polo subministro de auga pasaría a estar en torno aos 286.777,87 euros, e habería unha diferencia de 12.145,79 euros que será sufragada polo Concello de Cervo con cargo aos presupostos municipais.
Imposto de Circulación
Nesta proposta de actualización das ordenanzas fiscais o equipo de Goberno tamén incluirá a modificación da ordenanza fiscal reguladora do imposto sobre vehículos de tracción mecánica. A este respecto o alcalde lembrou que a devandita actualización forma parte das medidas comprometidas no plan económico-financeiro aprobado en 2009 en sesión plenaria. Na actualidade, Cervo está aplicando o coeficiente máis baixo permitido pola Lei de Facendas Locais. “Segundo ven marcado por lei, os concellos podemos aplicar un coeficiente que vai do o 1 ao 2. Nestes momentos estamos aplicando o coeficiente 1 e con esta modificación o que pretendemos é pasalo ao 1,18; ao tempo que manteremos a exención desta taxa por minusvalía e por vehículos históricos, tal e como víñamos tendo ata o momento outro apartado ” sinalou Villares.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
