Nota de prensa:
O voceiro do Mar do Grupo Parlamentario Popular asegura que aos nacionalistas “toda a forza váiselles pola boca”
BALSEIRO OROL: “ANTÓN VEIGA (BNG) É O ÚNICO MEMBRO DO CONSELLO DE ADMINISTRACIÓN DE PORTOS DE GALICIA QUE AÍNDA NON TOMOU POSESIÓN”
“Chama a atención que pese a euforia coa que acolleu o seu nomeamento como integrante deste órgano en representación da Deputación de Lugo e a urxencia coa que pretendía realizar as súas reivindicacións sexa o único membro do Consello de Administración que non asistiu á ultima xuntanza convocada” segundo Balseiro Orol
Santiago, 21 de outubro de 2011.- O voceiro do Mar do Grupo Parlamentario Popular, Jose Manuel Balseiro Orol, vén de facer público que Antón Veiga, vicepresidente nacionalista da Deputación provincial de Lugo é o único membro do Consello de Administración de Portos de Galicia que aínda non tomou posesión do seu cargo, xa que non asistiu á primeira xuntanza convocada despois da súa designación como membro deste órgano.
Ao deputado popular, Jose Manuel Balseiro, chámalle a atención que pese a euforia coa que o representante nacionalista acolleu a súa designación como membro do Consello de Administración do ente público portuario galego -en representación da Deputación de Lugo- e apesar tamén da urxencia coa que pretendía realizar moi distintas reivindicacións, Antón Veiga decidira non asistir á xuntanza, amosando que na realidade os nacionalistas teñen nulo interese por estes asuntos e que as súas propostas so responden a promesas e propagandas pre-electorais.
Lembremos que o propio Antón Veiga aseguraba a pasada fin de semana en distintos medios de comunicación que iba a solicitar, cando tivera lugar a reunión do Consello de Administración de Portos de Galicia, un cambio na estrutura directiva da autoridade portuaria Ferrol-San Ciprián para conseguir unha maior representación da provincia lucense. Con todo, esta petición non debe ser tan urxente para os nacionalistas tendo en conta a súa falta de asistencia á primeira das reunións convocadas.
CONTRADICIÓNS NACIONALISTAS
Balseiro concluíu que este comportamento demostra que aos nacionalistas “toda a forza váiselles pola boca” e que as súas propostas respecto da xestión dos portos galegos non son prioridades reais. O deputado popular sinala, que esta non é a primeira vez que no BNG incurren en contradicións e, e recorda que mentres que agora prometen a apertura do dique norte de Morás ao tráfico comercial xeral, cando gobernaron en Galicia –na Xunta bipartita- anularon o cinto industrial Cervo-Xove que reservaba os terreos necesarios para que futuras empresas puideran instalarse alí e facer uso deste novo porto de mercadorías.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
