Nota de prensa:
O PESCADOS RUBÉN PELEXARÁ POR ENCADEAR O TERCEIRO TRIUNFO ANTE A INCERTEZA DO HOSPITALET BELLSPORT
O Burela FS-Pescados Rubén pelexará este sábado por encadear o terceiro triunfo da tempada, na sexta xornada da Segunda División. Será na pista do L’Hospitalet Bellsport (pavillón Sergio Manzano de Bellvitge, 18.30 horas), un rival incerto pola súa condición de ascendido que xa mostrou a súa resistencia como local, aínda que non tivo moi bo inicio ligueiro.
“Despois da importante vitoria conseguida na casa e de sumar seis puntos nas últimas dúas citas, o equipo atópase nun bo momento; estamos sendo moi competitivos en defensa, ademais en ataque estamos mellorando encontro a encontro e xerando moitas ocasións de gol” apuntou Quique García, orgulloso do labor dos seus xogadores e da evolución do conxunto: “Estou moi satisfecho do rendemento do cadro e do esforzo que están realizando; estamos traballando moi ben durante a semana e iso estase reflectindo nos partidos”.
O Hospitalet pecha a clasificación con dous empates e dous puntos (Manzanares 1-1 e Martorell 4-4). No entanto, a súa posición na táboa non debe levar a enganos, xa que é un equipo ben aguerrido na casa, onde empatou co Manzanares e lle puxo as cousas moi difíciles ao Space Gasifred (8-9). “O xogo do equipo de Xavier Closas caracterízase por realizar unha defensa en media pista, transicións rápidas e un ataque 3-1, con un pivote dominante en zona de finalización. Temos que realizar un gran traballo defensivo para contrarrestar o ataque do Hospitalet” concluíu o técnico laranxa.
Christian, a única ausencia do vestiario mariñán, debido a unha lesión de xeonllo, continúa os seus avances na rehabilitación segundo o previsto polo equipo médico.
Ràdio l’Hospitalet. A afección laranxa poderá seguir en directo o devir do encontro a través da emisora catalá (www.digital-h.cat > ‘radio en directe’).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
