Nota de prensa
A FUNDACIÓN IMPULSO Ó DEPORTE, CULTURA E TURISMO NA MARIÑA CELEBRA A SÚA POSTA DE GALA EN BURELA
• O acto de presentación, aberto ao público, contará coa presenza do secretario xeral para o Deporte e o vicepresidente primeiro da Deputación de Lugo, así como co presidente da LNFS, o seleccionador nacional de fútbol sala e o presidente da FGF, entre outros.
• Imdecum, recoñecida como Fundación de Interese Galego pola Xunta de Galicia, ten como obxectivos a promoción da actividade deportiva, cultural, educativa e turística da comarca; o fomento da igualdade e tolerancia; e a preservación do patrimonio histórico, cultural, natural e turístico da bisbarra.
Martes, 22 de novembro. A nova Fundación Imdecum, Impulso ó Deporte, Cultura e Turismo na Mariña, celebrará a súa posta de gala o vindeiro venres, 25 de novembro, en Burela, sustentada polo traballo en prol da comarca e apadriñada por numerosas personalidades. O acto, aberto ao público, terá lugar no auditorio municipal, ás 12.00 horas, e contará coa presenza do secretario xeral para o Deporte da Xunta de Galicia, José Ramón Lete; o vicepresidente primeiro da Deputación de Lugo, Antonio Veiga; e o deputado provincial José Ramón Val Alonso; así como co presidente da Liga Nacional de Fútbol Sala, Javier Lozano; o seleccionador nacional Venancio López e o presidente da Federación Galega de Fútbol, José García Liñares, entre outros.
Imdecum nace grazas ao apoio das institucións públicas, Xunta de Galicia e Deputación de Lugo, co obxectivo de impulsar, promover e coordinar a actividade deportiva, cultural, educativa e turística da Mariña; fomentar os valores de igualdade, tolerancia, solidariedade, cooperación e integración principalmente na infancia, xuventude, terceira idade, mulleres e daquelas persoas e colectivos con maior risco de exclusión; ademais de difundir, desenvolver e preservar o patrimonio histórico, cultural, natural e turístico da bisbarra.
Recoñecida como Fundación de Interese Galego pola Xunta de Galicia, a iniciativa mariñá, presidida polo director do IES Monte Castelo, Marcelino Luna Almarza, xermolou no berce do CD Burela FS-Pescados Rubén, nunha xestión baseada nos modelos da súa escola de fútbol sala, que se fundamentan na cultura do esforzo, a atención á diversidade, a integración social e o principio de igualdade, sen esquecer a busca do talento, a posta en valor da creatividade e o traballo en equipo entre a xuventude da bisbarra.
Imdecum pretende aglutinar ademais á empresa privada e conta na súa posta en marcha inicial coa representación no seu padroado de Pescados Rubén SL, Living Sport, Eje Atlántico, Oxem Sport e o CD Burela FS. A iniciativa centra a actividade dende os seus primeiros pasos, en febreiro de 2010, na colaboración con empresas, entidades financeiras, Administracións Públicas, institucións, asociacións e organismos de toda índole para contribuír aos obxectivos de cada un deles.
Consonte aos seus fins, a Fundación Imdecum está traballando nun programa de actividades para 2012 que reunirá proxectos multidisciplinarios: a Gala Anual da Mariña, como recoñemento a persoas, iniciativas e institucións que traballan día a día pola Mariña; seminarios de formación e práctica deportiva de base e en igualdade con profesionais de renome de diferentes disciplinas; a Academia Imdecum, poñendo á disposición dos diferentes centros de ensino a persoeiros de diversos ámbitos para impartir clases maxistrais; así como a elaboración dun sitio web de referencia, como escaparate de utilidade de todos os concellos mariñáns, e o emprazamento de encontros noutros puntos de Galicia e rexións para potenciar a presenza da Mariña como referente turístico.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
