A asociación de comerciantes de Foz coa colaboración de Os Bolouros organiza a I Festa do cogomelo

Nota de prensa

FOZ ACOLLERÁ OS DÍAS 16 E 17 DE DECEMBRO A I FESTA DO COGOMELO QUE ORGANIZA A ASOCIACIÓN DE COMERCIANTES EN COLABORACIÓN COS BOLOUROS. TRINTA E CINCO ESTABLECEMENTOS HOSTALEIROS PARTICIPARÁN NESTA NOVA CITA GASTRONÓMICA.

Foz, 9 de decembro de 2011. Foz acollerá os días 16 e 17 de decembro a I Festa do Cogomelo que organiza a Asociación de Comerciantes, Industriais e Autónomos en colaboración cos Bolouros.
O presidente de ACIA Foz, José Carlos Paleo, contou que “xa que nos atopamos na época das setas quixemos facer esta primeira festa nos nosos establecementos de hostalería, que ofrecerán durante esas dúas xornadas tapas elaboradas con cogomelos”. Paleo agarda que “esta nova proposta gastronómica guste e serva para dinamizar Foz na semana anterior ás festas do nadal”.
Un total de 35 bares, mesóns e restaurantes se darán cita na I Festa do Cogomelo. Son: A Caracola, A Funcional, A Maseira, A Quinta, A Sexta, A Bolera, Acuario, O Taco, A Dala, Dallas, Happydays, May-Ros, Xoima, Anduriña, O Rincón de Anita, Fina, Internacional, Portovello, Express, O Norte, Leytón, O Tangarte, O Tangarte Mariñeiro, Namarinos, O Náutico, O Pelolo, O Salado, A Soalta, pizzería Xoiña, As Brasas, Costumes do Mar, Dandy, O Lar, O Mar e Portochico.
Colaboran tamén nesta cita gastronómica a Unión Europea, a Xunta de Galicia, a Federación de Comercio de Lugo, a Deputación Provincial de Lugo e o Concello de Foz.
Cervexa
Desde a Asociación de Comerciantes, Industriais e Autónomos de Foz lembran que “ata o vindeiro domingo, 11 de decembro, seguimos disfrutanto da Decemberfest ou festa da cervexa. Queremos animar unha vez máis aos que aínda non se achegasen a Foz a pasarse esta fin de semana pola nosa hostalería a disfrutar das cervexas que lles van servir e das propostas da gastronomía alemana que lles van facer. Merece a pena”.