Di o POSE de Burela que “o orzamento para o ano 2012 non recolle ningún compromiso político”

Nota de prensa do grupo municipal do PSdeG PSOE de Burela

O pasado luns, día cinco, celebrouse un pleno ordinario onde se debateron, entre outros puntos, os orzamentos para o 2012, aprobación do regulamento de organización da escola de música, modificacións no regulamento de axuda no fogar e modificacións do prezo público da prestación do servizo de axuda no fogar.

Os partidos políticos que conforman a oposición presentaron dúas mocións para o seu debate sobre temas esenciais para o desenvolvemento futuro do concello, como a de solicitar á Xunta aportacións económicas suficientes para que Burela poida culminar proxectos fundamentais para o seu desenvolvemento económico e social (accceso ó porto, escola infantil, limpeza do encoro de Rúa, etc.). Outra moción instaba á Xunta a retirar a orde do cinco de setembro que ten como obxecto regular e establecer os procedementos para o recoñecemento do dereito ó acceso a asistencia sanitaria de persoas sen recursos económicos suficientes e desempregados de longa duración, que hoxe en día incumbe tamén a un importante número de burelenses. Orde que ven a complicar, de maneira inxusta, as prestacións sanitarias a estes colectivos. O PP votou en contra de estas dúas mocións: nin crecemento para Burela nin atención sanitaria gratuíta.

Para as persoas que queiran empregar o servizo de axuda no fogar impóñenselles unhas condicións de acceso que implican pagar mais e ter menos garantías para conservar a praza unha vez concedida.

O prezo do servizo pasa de 9 euros 13.50 en días festivos e de 9 euros a 12 en días laborais, co agravante tamén de que unha persoa que cumpra ás condicións e que, por iso, estea recibindo o servizo de axuda no fogar pode verse privada do seu dereito por incorporación de outra persoa que a supere en puntuación.

A modificación do prezo faise nun momento pésimo para as persoas que precisan do servizo, dadas as condicións de crise económica actual, e tampouco se entende que si unha persoa precisa do servizo e cumpre as condicións, poida ser desprazada por outra quer cumpra “máis condicións”. Neste caso o que teñen que facer os responsables do Concello e garantir as prestacións buscando solucións e non recortando dereitos.

O regulamento de organización da escola de música faise unicamente para desprazar o anterior e impoñer unhas condicións organizativas favorables ás decisións unilaterais do director da escola. Redúcese a representación de pais e alumnos no consello escolar, non hai liberdade para elixir o segundo instrumento musical, condicionase o número de alumnos ás necesidades das distintas agrupacións (banda, coro ou orquestra), non se contemplan garantías de defensa para despedir a profesores, non se fomenta o traballo en equipo, ademais doutras lindezas hilarantes que nos leva a pensar que nengún membro do goberno tivo a delicadeza de leelo antes de levalo ao pleno para a súa aprobación.

O orzamento para o ano 2012 non recolle ningún compromiso político, non hai plans de emprego, nin inversións importantes que estimulen a creación de postos de traballo nin a actividade empresarial.

Recollen, eso si, un incremento das dietas dos concelleiros, a merca duns aparellos, que costan máis de oito mil euros, para controlar as entradas e saídas do persoal que traballa no Concello (medida que non se xustifica nos tempos actuais de crise económica e cando hai tres dedicacions exclusivas que poden e deben facer esa labor) e contemplan a creación de dúas prazas de auxiliar administrativo por importe de coarenta mil euros sin existir ninguha razón obxectiva que as xustifique. O que nos fai sospeitar que están asignadas para pagar favores políticos dos moitos que debe o alcalde, e o desenvolvemento dese presuposto nos dará a razón.

Os orzamentos son un refrexo do pesimismo que transmite este equipo de goberno incapaz de ofrecer alternativas para compensar as consecuencias da crise. Escudanse nesta crise, para xustificar a subida integral de impostos, mermar servizos sociais, anular todo tipo de axudas a colectivos, reducir postos de traballo (grumires e outros), apagar luces, etc. Os veciños demandan traballo, solucións e aportación e de momento faise todo o contrario. Esto si que é non respectar o voto.

O que sorprende é que sigan culpando de todo o anterior equipo de goberno, que digan que a oposición non traballa, como manifestou recentemente o tenente de alcalde. Este, que é un concelleiro que se limita a ler o que outros lle dictan e que de momento non se lle coñece ningunha labor destacable, agás o disfrute dun mes de vacacións sin corresponderlle por non ter “traballado” o ano natural. A súa constante atención ao que fan ou deixan de facer os demais, amosa canto se aburre. Quere despistar á opinión pública facendo de goberno-oposición, intentando camuflar a súa incompetencia con manifestacións que xa ninguén cre. E lle viña ben non ter tanta prepotencia e altivez, e si un pouco máis de humildade, que por ahí empezaría a entender o significado da palabra respeto. E un consello, culto por certo: para ensinar aos demais, primeiro tes que facer algo tú moi duro: enderezarte a ti mesmo.