Nota de prensa
A deputada Emma Álvarez anunciou a presentación dunha emenda “máis realista e adaptada á situación tanto da empresa como dos traballadores” que a proposición non de lei feita polo BNG
O GRUPO POPULAR INSTA Á XUNTA A FAVORECER A REINCORPORACIÓN LABORAL DOS TRABALLADORES QUE POIDAN RESULTAR AFECTADOS DE APROBARSE O ERE DA EMPRESA MUEBLES HERMIDA
“O obxectivo é facer a empresa realmente viable e garantir os 120 postos de traballo que se comprometen a manter no futuro”, sinalou a deputada do Grupo Popular
Santiago, 12 de decembro de 2011.- A deputada do Grupo Popular Emma Álvarez Chao anunciou hoxe a presentación dunha emenda “máis realista e adaptada á situación tanto da empresa como dos traballadores” que a proposición non de lei presentada polo BNG sobre o ERE presentado por Muebles Hermida de Lourenzá, “co obxectivo de facer a empresa realmente viable e garantir os 120 postos de traballo que se comprometen a manter no futuro”. Así, solicita ao Goberno galego, no suposto de que o ERE finalmente se aprobe, a facilitar o acceso dos traballadores afectados ás distintas políticas activas de emprego para mellorar a súa reincorporación ao mercado laboral.
En concreto, a emenda de substitución presentada polo Grupo Popular insta á Xunta de Galicia, en primeiro lugar, a tramitar o ERE presentado por Muebles Hermida estrictamente de acordo coa legalidade e a normativa vixente. Así mesmo, solicitan ao Goberno galego a “establecer os mecanismos necesarios para que os traballadores afectados polo ERE de Muebles Hermida, no suposto de que este finalmente se aprobe, poidan acceder o máis axiña posible ás distintas políticas activas de emprego a desenvolver na comarca da Mariña lucense, co obxectivo de mellorar a súa empregabilidade e a súa reincorporación ao mercado laboral”.
Por último, Emma Álvarez anotou que a emenda tamén demanda da Xunta a posta en marcha das medidas necesarias encamiñadas á recuperación produtiva e á creación de novas oportunidades laborais na comarca da Mariña lucense central, e nomeadamente nos concellos de Mondoñedo e Lourenzá.
ÚNICA FÓRMULA PARA GARANTIR A CONTINUIDADE
“Recorrer a un ERE non é unha medida agradable para calquera empresario e moito menos para os traballadores afectados, pero moitas veces é a única fórmula que queda para garantir a continuidade da empresa e con ela o mantemento dunha parte dos postos de traballo que xera”, explicou a deputada popular. No caso concreto de Muebles Hermida, Álvarez Chao avogou porque “coas medidas que se adopten a empresa poida garantir o mantemento, cando menos, dos 120 postos de traballo que se comprometeu”.
Emma Álvarez cualificou de “ilóxico e instar á comisión dunha ilegalidade” a proposición presentada polo BNG para que a Xunta non aprobe o ERE presentado pola empresa Muebles Hermida, xa que “non é unha cuestión de vontade, senón de normativa que os responsables do Goberno galego deben cumprir”. Neste sentido, puxo como exemplo que durante o Goberno bipartito se aprobaran máis de 1.500 expedientes de regulación de emprego, que afectaron a máis de 22.000 traballadores galegos.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
