Nota de prensa
COMUNICADO DO BNG DE RIBADEO N DEFENSA DA LINGUA GALEGA E CONTRA A ACTITUDE MANIPULADORA DO VALEDOR DO POBO
O BNG de Ribadeo quere mostrar o seu profundo malestar coa actitude amosada polo Valedor do Pobo cara á nosa lingua galega. Segundo informacións aparecidas ao longo destes días, este dirixiuse á Consellaría de Educación e Ordenación Universitaria para esixirlle que se retire do mercado e das aulas nas que está en activo un libro de texto de Coñecemento do Medio, en Educación Primaria, por recoller de xeito literal o disposto a respecto da lingua galega polo Estatuto de Autonomía no seu artigo 5.1., «A lingua propia de Galicia é o galego». Tras as innumerábeis mostras contra o galego por parte da actual Consellaría de Educación, e nomeadamente do seu responsábel, non nos estraña que Xesús Vázquez acollera a petición de xeito inmediato indicando que instará á editorial a que corrixa con carácter definitivo» as próximas edicións da obra e advertindo de que en caso contrario terían que adoptar as decisións oportunas por parte da Administración educativa. Éche ben curioso: fachendean de estar moi pendentes da crise e de aforrar canto poden pero, cando se trata de recortar a presenza do galego, aí non escatiman gastos. Se hai que tirar miles de libros sen lles ter sacado proveito, pois ao lume con eles, pero que se note que eles non queren o galego, que cada vez queren agradar máis aos sectores máis ultras da sociedade española. Iso si: acto seguido, seguro que ha de aparecer outra escusa para un novo recorte no ensino público.
Consideramos impresentábel que se deslexitime o propio Estatuto de Autonomía, no que se fai constar que o galego é a lingua propia de Galicia. Esta actitude por parte da Consellaría de Educación supón unha gravísima actuación que ataca o principal soporte legal protector da nosa lingua (a súa consideración como propia e oficial), e é promovida como un ataque manipulador contra o principal trazo identificador do que somos e representamos no actual marco plurilingüe e pluricultural do Estado español.
Desde o BNG de Ribadeo queremos deixar constancia pública da nosa valoración como absolutamente inadmisíbel deste feito, un ataque máis á nosa lingua que nunca se debeu ter producido, máxime tendo en conta que procede daquelas autoridades e organismos que deberían centrar a súa preocupación e esforzo en cumprir cos principais mandatos legais a este respecto: a súa protección real e promoción activa.
Desde BNG de Ribadeo esiximos, polo tanto, unha rectificación inmediata por parte do Valedor do Pobo, así como a súa dimisión, pois en reiteradas ocasións ten manifestado o incumprimento das súas funcións a respecto da defensa do galego como lingua normalizada.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
