A peña barcelonista San Miguel programou un mes de decembro cheo de actividades

Nota de prensa

Semanas intensas da Peña Barcelonista San Miguel.
Dende o pasado 3 de decembro, a Peña Barcelonista San Miguel, presenta unha intensa axenda de actividades.
O día 3 desprazáronse a Barcelona para ver en directo no estadio do Camp Nou, o partido FC Barcelona – Levante, que rematou co resultado de 5-0 e que fixo a delicia dos barcelonistas mariñáns.

Pero a peña non só se desprazou para esta xornada, senón que estivo na cidade catalana ata o martes día 6 de decembro. Neses 4 días, aproveitaron para asistir a un partido de baloncesto no Palau Blaugrana, ver un partido dos xuvenís de fútbol, facer o “Tour” polas instalacións deo Barça, Camp Nou, museo, botiga … e finalmente unha visita turística pola cidade, tanto percorrendo a pé as ruas máis emblemáticas como no Bus turístico os grandes monumentos e parques.

Xa de volta a San Miguel, o sábado pasado xuntáronse para ver por televisión o partido da máxima rivalidade. Nun Oliñas do Mar, co cartel de “non hai billetes” e cun ambiente que superaba ó propio Camp Nou, os socios da peña e simpatizantes barcelonistas, disfrutaron coa victoria do Barça sobre o R. Madrid de Mourinho. Cánticos, apertas, sorrisos e bo ambiente, reinaron na noite do sábado 17. Outra que pasará á historia do fútbol.

Xa nesta semana están programadas tres actividades máis.
O sábado día 17 haberá unha exposición de postales de Nadal. Serán as postales do concurso organizado pola propia peña. Terá lugar no comedor da escola de San Miguel de Reinante, en horario de 4 a 6 da tarde. Nese mesmo intre se proclamarán os gañadores nas 6 categorías establecidas. A exposición estará aberta ó público en xeral e de forma gratuita.

Esa mesma noite, a peña celebra a sua tradicional Cea de Nadal. Será a partir das 22.00 horas no restaurante Oliñas do Mar de Benquerencia. O menú, entrantres (polbo, calamares, croquetas …) churrasco e criollos, tarta 3 chocolates, cofé e chupiños. O prezo será de 20 € e pódense apuntar todo-los afeccionados en xeral. Para iso, poden chamar ó teléfono 649 57 13 60.

Finalmente e para remata-lo ano, os membros da peña, esperan poder xuntarse o domingo día 18 para ve-la final do Mundial de Clubes, no caso de que o Barça dispute esta final.
Nese caso, reuniránse no Oliñas do Mar a partir das 11 horas, para tratar de aporta-lo seu gran de area dende a distanza, animando e disfrutando co que todo-los entendidos de fútbol din que é o mellor equipo da historia.

Calquer afeccionado, que desexe facerse socio desta peña ou recibir máis información, pode chamar ó tfno. 649 57 13 60 ou entrar na web www:penhabarcelonistasanmiguel.jimdo.com