Nota de prensa
O mércores día 28 a partir das 10.30h terá lugar no Parlamento de Galicia o debate e votación da iniciativa promovida polos deputados Jose Manuel Balseiro e Emma Álvarez
O GRUPO POPULAR ESPERA CONTAR CO APOIO UNÁNIME DAS FORZAS POLÍTICAS DO PARLAMENTO PARA PEDIR Á XUNTA O PLAN DE RECUPERACIÓN PRODUTIVA E DO EMPREGO NA MARIÑA
Balseiro lembra que a sociedade mariñá reclama unidade nas forzas políticas en defensa do emprego e insta á oposición a abandonar posición demagóxicas e intentar aproveitar politicamente o sufrimento de moitas familias.
A Mariña lucense, 25 de decembro de 2011.- Os deputados Jose Manuel Balseiro Orol e Emma Álvarez esperan contar co apoio unánime das tres forzas políticas con representación no Parlamento de Galicia de cara ao debate e votación da iniciativa urxente rexistrada polo Grupo Parlamentario Popular e na que se lle insta á Xunta de Galicia a poñer en marcha un plan de recuperación produtiva e do emprego na nosa comarca.
O PP explica que a sociedade mariñá reclama unidade nos distintos partidos políticos e non entendería que desde a oposición -PSOE e BNG- se siga unha postura demagóxica ou se intente aproveitar politicamente o sufrimento das familias afectadas polas crises laborais que están a ter lugar en varias empresas e que sufren dun xeito significativo os concellos de Mondoñedo e Lourenzá. En consecuencia fan un chamamento á responsabilidade de socialistas e nacionalistas e instanlles a sumarse a esta iniciativa construtiva e positiva para o futuro da nosa comarca.
Jose Manuel Balseiro quixo salientar de xeito expreso a importancia de que sexa o propio Partido Popular, a forza maioritaria da Cámara e a formación política que sustenta ao Goberno, o primeiro en promover no Parlamento esta iniciativa urxente que ten por obxecto dirixir un mandato á Xunta para que poña en marcha as decisións e mecanismos oportunos dirixidos á recuperación produtiva e á creación de novas oportunidades laborais na comarca da Mariña central e nomeadamente nos concellos de Mondoñedo e Lourenzá. Con todo insiste o deputado en sinalar a importancia de avalar o acordo coa unanimidade do Parlamento.
Será o vindeiro mércores día 28 a partir das 10.30h cando teña lugar no Parlamento de Galicia o debate e votación da iniciativa promovida polos deputados Jose Manuel Balseiro e Emma Álvarez. A mesma forma parte da orde do día da Comisión 5ª da Cámara galega, na que se abordan asuntos de Sanidade, Política Social e Emprego. A devandita iniciativa foi presentada tamén polo PP en diversas xuntanzas que mantivo cos traballadores das empresas afectadas pola crise laboral e obtivo unha boa acollida entre os mesmos.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.