Nota de prensa
Fisober 5-0 Panificadora del Eo
O Panificadora del Eo Ribadeo FSF non deu mostras de impotencia e plantoulle cara ao líder, Fisober Vimianzo, aínda que sen recompensa no electrónico. As mariñás encaixaron un 5-0, nunha cita marcada polas ausencias, que fixeron que Martínez tivera que desprazarse a Vimianzo con tan só oito xogadoras, catro das cales pertencentes ao filial Xoula: María por lesión, Marta, Nuria e Sabela por asuntos persoais e Arancha e Fátima por estudos.
As ribadenses defenderon con orde os ataques do rival para contragolpear con perigo, pero a maior calidade das xogadoras locais rompeu a ordenada defensa visitante. O 1-0 chegou no minuto 7 por mediación de Noelia. Sete minutos máis tarde foi Alba quen subiu o 2-0 ao luminoso e, a piques de soar a bucina para o descanso, Patricia colocou o 3-0. Co 1-0, o Panificadora dispuxo dun par de ocasións claras por medio de Ana e Elvira para acurtar distancias.
No minuto 3 da segunda metade, nunha serie de rexeitamentos dentro da área visitante, atinou Barca no primeiro pau pondo o 4-0. Cinco minutos máis tarde, de novo Barca materializou o 5-0 definitivo. O cansazo acumulado por falta de rotacións afectou o equipo ribadense; aínda así Ana, Iria, e Elena, nos minutos finais, dispuxeron das mellores ocasións do partido para acurtar distancias.
Cabe destacar a deportividade e o xogo limpo que reinou durante todo o encontro, posto que o colexiado só tivo que sancionar o equipo local en tres ocasións e a primeira e única falta das ribadenses foi sinalada a 3 minutos para o final.
A próxima xornada o Panificadora deberá medirse en Ribadeo ao Funeraria Apóstolo de Santiago, quinto clasificado, máximo goleador (91 tantos) e o menos goleado (30 encaixados).
Provincial feminina. Esmagadora foi a vitoria do Xoula Ribadeo ante o Sporting Rabadense (12-0). Ao descanso o marcador era de 8-0 a favor das locais. Carmen con catro goles, Ana, Elvira e Iria, con dous cada unha, e Yoli e Carla Bolaños, con un, foron as artífices de xesta; tamén xogaron Elena e Antía. Este resultado permite ao filial ribadense manter o segundo posto e aumentar a 5 puntos a diferenza cos seus inmediatos seguidores, Lucense e Quiroga, na loita pola medalla de prata. As mariñás visitarán A Pastoriza o vindeiro sábado.
Provincial masculina. A incorporación de Sergio Janeiro, ex-xogador do Cadramón FS, Burela FS, Superti A Pontenova e tamén do Ribadeo FS na súa época de Primeira Nacional B, permitiu ao equipo ribadense cultivar unha nova vitoria sobre o Baralla FS (4-3). Ao descanso chegábase cunha vantaxe de 3-1. A relaxación que tomou o equipo local na segunda metade puxo en apuro o marcador nos minutos finais. Pablo, Óscar, Jacobo e Sergio foron os autores dos goles locais e polo Baralla Diego asinou o hack trik. O Amigos de Rábade será o rival dos ribadenses o vindeiro sábado (20.00 horas) no municipal de Rábade.
Ficha técnica
Panificadora del Eo-Ribadeo FS: Antía, Ana, Toñi, Elvira e Elena, cinco inicial; tamén xogaron Iria e Tania Penabad.
Fisober FSF: Paula, Elsa, Ana, Olalla e Noelia (1), cinco inicial; tamén xogaron Patricia (1), Barca (2), Mirella, Ylenia, Alba (1) e Eva.
Árbitros: José Luis Villarino Bravo e Rita López Calvo, da delegación de Santiago.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
