NOTA DE PRENSA
GALIZA NOVA COLOCA PANCARTAS NA COMARCA DA MARIÑA PARA ANIMAR Á MOCIDADE A VOTAR AO BNG O VINDEIRO 1 DE MARZO.
A primeira das pancartas foi colocada en Foz, co lema A forza da mocidade move este País, á que seguirán outras co mesmo lema en distintas localidades da Comarca.
A Mariña, 21 de febreiro de 2009. Galiza Nova, a organización xuvenil do BNG, irrumpiu nas últimas horas na campaña electoral da comarca da Mariña coa colocación dunha pancarta na subida dos institutos de Foz, adicada directamente á mocidade. Esta foi a primeira das pancartas que se van colocar ao longo de toda a comarca coa finalidade de chamar á atención da xente moza sobre a importancia de dar o seu voto ao BNG o vindeiro 1 de Marzo.
Segundo explican desde a organización xuvenil nacionalista “ para Galiza Nova e para o BNG a mocidade é fundamental no noso País, e non só de cara ás citas electorais; senón como a forza de futuro da nosa Nación”. Continúan dicindo que “ proba da importancia que o BNG dá á mocidade e ás políticas nesta materia, foi que cando esta formación accedeu ao goberno creou unha Dirección Xeral de Xuventude, dependente de Vicepresidencia, que levou a cabo políticas propias e tamén transversais dentro doutras Consellerías.”
Este tipo de políticas son fundamentais para un país que aspira a que a xente moza poida producir e traballar na súa terra, sen necesidade de marchar fóra para lograr un emprego digno. Manifestan desde Galiza Nova na Mariña que “ só o voto ao BNG pode garantir que se trate a mocidade co respecto que se merece, con políticas propias deseñadas para conseguir máis avances nesta materia”.
Xa se teñen feito importantes actuacións na comarca da Mariña, como a creación dun centro Quérote en Burela, dentro da Rede de Centros de Asesoramento Afectivo Sexual; a posta en marcha de locais de ensaio para a xente moza dentro da Rede Galega de Locais de Ensaio, como o que se puxo en marcha en Ribadeo…; ademais de outras políticas transversais na Consellería de Vivenda, como a política de rehabilitación, alugueiro e construcción de vivenda protexida; na Consellería de Medio Rural, que logrou a incorporación de máis de 4600 mozos e mozas ao rural galego ou a mellora dos contratos dos investigadores e investigadoras a través da Consellería de Innovación e Industria.
Conclúen desde as mocidades do BNG cunha mensaxe de ánimo para a mocidade mariñá: “ Co BNG no goberno da Xunta os intereses da mocidade están presentes e atendidos. Só unha forza política que entende a mocidade como un sector da poboación con necesidades propias pode facer fronte ás demandas da xente moza.”
Por iso, animan a toda a mocidade a acudir masivamente a exercer o seu dereito a voto o vindeiro 1 de marzo e a apostar pola única opción que garante a atención á xente moza, o BNG.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
