Nota de prensa
NOTA DE PRENSA
As rutas de Km0 desta semana dinamizan a actividade hostaleira da Mariña, A Montaña, Lugo e Ribeira Sacra
– 302 veciños da provincia redescubrirán entre hoxe e o xoves os recursos naturais, culturais e socioeconómicos de Castro de Rei, Lugo, Ribadeo, Viveiro, Cervantes e Sober
– O Presidente recibiu este martes a escolares do colexio lucense de Fingoy e do CEIP da Pobra do Brollón, que viaxaron á Chaira e á Costa lucense, respectivamente
A programación de rutas organizada para esta terceira semana de marzo no marco do proxecto medioambiental Km0 da Deputación de Lugo contribuirá a dinamizar o sector hostaleiro das comarcas da Mariña, A Montaña, Lugo e Ribeira Sacra. Deste xeito, entre hoxe e o xoves 302 veciños da provincia coñecerán grazas ós seis itinerarios programados os recursos naturais, culturais e socioeconómicos da cidade lucense, Pol, Castro de Rei, Ribadeo, Viveiro, Cervantes e Sober, e repoñerán forzas en restaurantes e casas de turismo rural destes Concellos.
O Presidente, José Ramón Gómez Besteiro, recibiu este martes no Salón de Actos do Pazo de San Marcos ós dous primeiros grupos da semana, formados por escolares de entre 6 e 12 anos de idade pertencentes ó colexio Fingoy de Lugo e ó CEIP da Pobra do Brollón. No primeiro caso, trala recepción en San Marcos, 48 nenos visitaron o Mazo de Santa Comba e o Centro de Interpretación Terras do Miño, deron un paseo polo Rato e comeron no restaurante Terras do Miño para desprazarse logo ás canteiras de Lourixe, en Pol, e ás Lagoas de Caque e ó Castro de Viladonga, en Castro de Rei. No segundo caso, 55 escolares de Brollón estiveron nas instalacións da Fundación TIC e, xa en Ribadeo, comeron no restaurante La Solana, fixeron unha travesía en barco pola ría, subiron no ascensor panorámico do peirao de Porcillán e deron un paseo polo casco histórico e o Convento das Clarisas.
Cervantes e Sober son os destinos das dúas rutas programadas para mañá mércores, que farán, respectivamente, 48 integrantes da asociación de mulleres rurais Olvido de Pol e outros 48 do colectivo As Encaixeiras de Burela. O grupo polense comezará o seu percorrido no Centro de Artesanía e Deseño (CENTRAD) da Deputación para viaxar despois a Piornedo, onde comerá no hostal que leva o mesmo nome ca este núcleo rural e coñecerá a Palloza do Sesto e a igrexa de Donís. Polo que respecta á agrupación burelesa, desprazarase ás instalacións da Fundación TIC, comerá no restaurante Parada 2 de Sober e gozará dunha travesía en catamarán.
A Mariña é o xoves o destino das rutas de Km0: 48 integrantes da Asociación Lamas de Prado-Castiñeiro, en Lugo, redescubrirán Ribadeo, e 55 membros da Unión Democrática de Pensionistas (UDP) de Cospeito, estarán en Viveiro. O itinerario que cubrirá o colectivo lucense arranca no CENTRAD e continúa, xa en Ribadeo, no restaurante Rinlo, nas praias das Catedrais e Os Castros, as cetáreas de Rinlo e o aeródromo de Vilaframil. En canto á agrupación de Cospeito, tras coñecer as instalacións da Fundación TIC, comerán no restaurante Val do Naseiro, e achegaranse ó miradoiro de San Roque, Santa María do Campo, casco histórico e praia de Covas.
Como inscribirse
Todos os interesados en participar en Km0 poden inscribirse chamando ó número de teléfono 982-26-74/75; ou entrando en www.deputacionlugo.org onde, dende a portada, deberán acceder ó espazo Km0, cubrir o formulario e envialo á km0@deputacionlugo.org A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas. Quedan excluídos da modalidade de pago todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425).
A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación, onde o usuario ten que pinchar, á esquerda do portal, no apartado Ocio, onde atopará un link cos itinerarios. Optando por esta alternativa, ademais de facelas reservas dun xeito rápido e sinxelo, dende a propia casa e a calquera hora do día, calquera día do ano, os participantes teñen un desconto do 10% no custe das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
