Nota de prensa
50 nenos do CEIP de Cervo coñecen o servizo do Consorcio Provincial de Bombeiros nunha visita ás instalacións de Viveiro
– O organismo integrado por Deputación de Lugo e Xunta de Galicia resposta, deste xeito, á petición do centro educativo de formar ós rapaces en materia de prevención de incendios
– Xa son 480 os cativos beneficiados desta iniciativa coa que coñecen as pautas a seguir ante emerxencias, a importancia desta prestación, así como a responsabilidade dos bombeiros
– Outros 258 mozos de Viveiro, Cervo e Sarria farano nos vindeiros días logo de que os seus colexios e institutos se puxesen en contacto cos complexos máis próximos a súa localidade
50 rapaces do CEIP número 1 de Cervo desprazáronse este martes ás instalacións contraincendios de Viveiro para coñecer o servizo que presta na provincia o Consorcio Provincial de Bombeiros. O organismo integrado por Deputación de Lugo e Xunta de Galicia resposta, deste xeito, á petición realizada por dito centro educativo co fin de formar ós cativos, dende temperá idade, en materia de prevención de incendios, dándolles conta das pautas a seguir antes posibles emerxencias que acontezan en calquer escenario, así como sensibilizándoos coa responsabilidade destes profesionais e a importancia do seu labor.
A visita destes cervenses ten lugar tras a que, aínda o pasado venres, realizaron neste caso os propios bombeiros de Barreiros ó CEIP Juan Rey, no Concello de Lourenzá, e coa que 123 mozos de dito centro educativo tiveron a oportunidade de participar nun simulacro, ademai de coñecer o modus operandi destes profesionais. E é que, poñéndose en contacto cos propios complexos que integran o Consorcio Provincial -actualmente os de Barreiros, Viveiro, Vilalba, Chantada e Sarria mentres non remata a adaptación do de Monforte de Lemos para a súa vindeira incorporación- os máis de 100 bombeiros recén contratados polo organismo realizan demostracións do traballo que desempeñan na provincia luguesa tanto nas propias instalacións contraincendios como nos centros educativos.
Ata o momento, dende a posta en marcha dos parques de bombeiros, en maio de 2010, 9 centros educativos pediron estas actividades didáctivas para máis de 700 dos seus alumnos. Deste xeito, xunto ós rapaces de Cervo e os de Lourenzá, xa se beneficiaron desta iniciativa 60 cativos do CEIP San Miguel (Barreiros), 43 do CEIP Caselles Rollán (Xove) e 204 do CEIP Covas (Viveiro). Nos vindeiros días, farano outros 100 do CEIP Díaz Freijo (Viveiro), 28 do IES Marqués de Sargadelos (Cervo), 56 da Escola de Educación Infantil de Sarria e 74 do CPR Nuestra Señora de la Asunción tamén do municipio sarriano
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
