Nota de prensa
A VINDEIRA SEMANA TÉCNICOS MUNICIPAIS E DA DIRECCIÓN XERAL DE VIVENDA DA XUNTA COMEZARÁN A PERFILAR A ACTUACIÓN A LEVAR ADIANTE PARA REPARAR OS TELLADOS DAS VIVENDAS DAS CASAS BARATAS. O ALCALDE E UNHA REPRESENTACIÓN DOS VECIÑOS REUNÍRONSE ESTA MAÑÁ EN SANTIAGO CON ANTONIO BONÉ.
Burela, 23 de marzo de 2012. O alcalde de Burela, José Mª González Barcia, e unha representación dos veciños das Casas Baratas reuníronse esta mañá en Santiago co director xeral de Vivenda, Antonio Boné, co obxectivo de analizar a posible actuación a levar adiante a reparación dos tellados das vivendas das Casas Baratas.
González Barcia lembrou que “a Xunta bipartita, PSOE-BNG, fixo desde o meu punto de vista un anuncio meramente publicitario dunha inversión millonaria, que despois se viu que non tiña soporte económico por ningún lado porque non había consignación presupostaria. O proxecto era técnicamente moi complexo porque implicaba a evacuación das vivendas, os veciños tiñan que saír das súas casas, co cal se demostrou que era totalmente inviable”.
O alcalde burelés explicou que “cando nós estabamos na oposición mantivemos varios encontros cos veciños das Casas Baratas para explicarlles que contaran con todo o noso apoio na medida das nosas posibilidades e para darlles a coñecer o que se podía facer desde a Xunta presidida por Alberto Núñez Feijoo. Houbo unha reunión co propio Antonio Boné en Burela, houbo unha reunión coa delegada territorial da Xunta, Raquel Arias, e hoxe empezamos a sentar as bases dunha futura actuación nas Casas Baratas”.
Para José Mª González Barcia “a postura da Xunta quedou definida e clara na reunión de hoxe, creo que os veciños levaron as ideas claras sobre as posibilidades de actuación e a súa posible financiación. Creo que se abre unha porta onde todos, administración autonómica, Concello e veciños teremos moito que dicir”. O rexedor anunciou que “na vindeira semana técnicos do Concello se porán en contacto cos técnicos da Dirección Xeral de Vivenda para concretar xa os pasos que temos que dar de cara a definir a actuación que se queira levar a cabo. Nós cando teñamos todo eso perfilado voltaremos a reunirnos cos veciños xa en Burela e de aí sairá a concreción definitiva do que se vai facer”.
O alcalde de Burela engadiu que “igual que nós lles dixemos aos veciños cando estabamos na oposición e xa estando no goberno que estabamos á súa disposición porque estamos falando de intereses de cidadáns de Burela o Concello tamén se pon á súa disposición para, na medida das nosas posibilidades, aportar as nosas ideas e as nosas suxerencias. Calquera actuación que se leve adiante ao Concello non lle suporá ningún investimento, porque hai outras formas para financiala. E nós non estamos en situación económica como para poder abordar absolutamente nada neste sentido. Nós estaremos cos veciños para definir esa actuación futura, que esperamos resolva os problemas que veñen padecendo e que sexa a mellor para todos”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
