Nota de prensa
O PP recorda que o bipartito continuou co plan de comunidades veciñais do goberno popular cando o cualificou no seu momento de corrupto, clientelar e caciquil
O PP provincial pídelle á Deputación que priorice as necesidades no reparto de fondos cando os recursos son limitados
. A portavoz popular, que se amosa defensora do asociacionismo, esixe ao mesmo tempo unha xestión rigorosa dos orzamentos en base ás demandas municipais
Lugo, 23-3-2012. – A portavoz provincial do Partido Popular, Elena Candia, pídelle á Deputación provincial que priorice as necesidades manifestadas polos lucenses á hora de repartir os fondos orzamentarios dos que dispón o organismo provincial e máis tendo os conta que estes recursos son limitados. Candia fai estas declaracións en relación á proposta de aprobación das bases de concesión de subvencións a entidades asociativas, agrupacións e entidades veciñais que hoxe debaten na xunta de goberno.
Candia amósase defensora do asociacionismo e resalta a enorme contribución que estas agrupacións teñen para o desenvolvemento social. Porén, a portavoz provincial pide que as bases para a adxudicación dos dous millóns de euros que a Deputación provincial destinará no 2012 ao Plan de Cooperación con Entidades Asociativas, Agrupacións e Asociacións de Veciños se rexan polos criterios de necesidade, obxectividade e primando o interese xeral.
Segundo recorda a portavoz popular, o grupo bipartito criticou no seu momento o Plan de Cooperación con Comunidades Veciñais que se puxo a funcionar no goberno popular. Candia explica que manifestando a pouca coherencia de xestión do goberno do BNG e do PSOE, o bipartito continuou co plan da época popular “xustificando agora o que antes se criticaba”
Candia cre que durante unha época de recursos limitados é necesario actuar con rigor e priorizar as necesidades demandadas polos concellos, cumprindo así co mandato constitucional de cooperación cos entes locais. Ante isto, dende o grupo provincial popular, sen desmerecer a funcionalidade das asociacións, pídelle á Deputación que non se esqueza de acometer obras naqueles concellos con menos recursos económicos. Así mesmo, se no seu momento, o bipartito cualificou este plan de “favoritismo político”, explica Candia, agora “dende o grupo provincial tamén levaremos a cabo un exercicio de control estrito sobre a concesión de subvencións garantindo unha xestión rigorosa”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
