O BNG CONSIDERA QUE O PLAN DE AXUSTE DE BARREIROS É CONSECUENCIA DA MALA XESTIÓN MUNICIPAL REALIZADA POLO PP. OS NACIONALISTAS CRITICAN AO ALCALDE POR CONVOCAR PARA O DÍA DA FOLGA XERAL A SESIÓN PLENARIA PARA ABORDAR ESTE ASUNTO.
Barreiros, 30 de marzo de 2012. O BNG considera que o plan de axuste de Barreiros é consecuencia da mala xestión municipal realizada nos últimos anos polo PP. Os nacionalistas inciden en que o momento de sanear a economía municipal era nos anos 2006 e 2007.
Para o BNG de Barreiros non é de recibo a actitude do Partido Popular de Barreiros a respecto das medidas tomadas nos últimos días en relación co Plan de Axuste que pretende aplicar o Concello. Os nacionalistas sinalan que “non é de recibo que para un tema coma éste se impida aos representantes do BNG acudir á sesión plenaria. O alcalde de Barreiros non convocou o pleno ordinario que tiña que ter celebrado o luns pasado e convocou unha sesión extraordinaria e urxente para o día de onte, xornada de folga xeral, á que todos os cargos do BNG anunciaran que ían sumarse ao igual que á manifestación e a propia portavoz municipal así llo tiña trasladado ao Alcalde de Barreiros”. Desde o BNG din que “ademais, a convocatoria foi recibida polo grupo municipal do BNG o mércores ás 19:20 minutos, apenas 24 horas antes da sesión plenaria, convocada para as 19:30 do xoves. Non nos explicamos esta actitude salvo que o que pretenda Alfonso Fuente sexa non explicar a realidade das contas municipais e o que se recolle na documentación non sexa todo o que hai, igual hai algo máis que agochar e a débeda supere os 2.421.892,18 euros que presenta na relación de acreedores.”
A portavoz do BNG, Ana Ermida, considera que este plan de axuste é consecuencia da nefasta xestión realizada ao longo dos últimos anos, “nese plan xustifícase unha importante diminución de persoal xa que, segundo indica o propio plan, considérase que o cadro de persoal do Concello de Barreiros está sobredimensionado para a capacidade económica do municipio, xa que supón un gasto anual non inferior a 1.500.000 euros, o que supón máis do 50% do orzamento municipal”. Ermida engade que “agora preténdense paralizar as contratacións, amortizar prazas, adiantar as xubilacións, incluso se fala de despidos neste mesmo ano. Agardamos que non nos sorprenda o Partido Popular en novas citas eleitorais e volva ao recurrido recurso de contratacións sen sentido, co único fin de comprar votos”.
Os nacionalistas indican que “podemos revisar os orzamentos desde o ano 2006 ata este 2012 e ver como en todas as intervencións do grupo municipal do BNG se advertía de que o goberno municipal estaba hipotecando o futuro do Concello de Barreiros. Que se estaba levando a cabo unha nefasta política de xestión, destinada a beneficiar eleitoralmente ao Partido Popular sen buscar o beneficio das veciñas e dos veciños.” Neste sentido, o BNG pregúntase “¿onde se meteu o diñeiro que se ingresou neste Concello nos anos 2006 e 2007? Uns anos nos que os ingresos municipais en Barreiros foron moi importantes e se dilapidaron en comprar favores sen proveito ningún para o conxunto da cidadanía.”
Os nacionalistas insisten en sinalar que “era nos anos 2006 e 2007 cando había que aproveitar para sanear as contas municipais, anos nos que se ingresaba diñeiro, e podería estarse a día de hoxe cunha situación económica envidiable. Pero Alfonso Fuente preferiu mirar para sí mesmo e para os beneficios do Partido Popular en lugar de priorizar os intereses xerais. E agora atopámonos co Concello con máis débeda por habitante da provincia que nos cargan, unha vez máis, sobre as costas ás veciñas e aos veciños de Barreiros.”
Remitido
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
