ALFONSO FUENTE RESPETA O DEREITO Á FOLGA QUE EXERCEU ONTE A OPOSICIÓN, PERO CONSIDERA QUE ELES TAMÉN DEBEN ENTENDER O DEREITO AO TRABALLO.
Barreiros, 30 de marzo de 2012. O alcalde de Barreiros, Alfonso Fuente, respeta o dereito á folga que exerceron onte os membros da oposición non asistindo ao pleno, pero considera que eles tamén deben entender o dereito ao traballo. Fuente Parga considera que a sesión era moi importante como para asistir a ela dado que se aprobaba o plan de axuste do Concello para os vindeiros dez anos e o convenio colectivo dos traballadores municipais.
O rexedor relataba que “no día de onte se celebrou o pleno extraordinario e urxente para proceder á aprobación do plan de axuste do Concello de Barreiros. A sesión foi convocada cando rematamos dito plan de axuste, que dado o prazo de tempo que nos daba o Estado foi moi axustado e tivemos que aproveitar ata o último día para convocar a sesión”.
Alfonso Fuente dixo que “eu respeto o dereito á folga que quixeron exercer os membros da oposición non asistindo ao pleno, pero tamén eles deben entender o dereito ao traballo dos que temos responsabilidades diante dos veciños, dos que temos que cumplir uns prazos para obter a través dun real decreto de pago a proveedores, que é o máis importante da era da democracia neste país… e había que cumplir ditos prazos porque hoxe ese plan de axuste tiña que estar aprobado e había que convocar o pleno”.
O alcalde barreirense insiste en que “eles deben respetar o dereito ao traballo e tamén debe prevalecer o dereito ao traballo por enriba do dereito á folga cando conflúen os dous como é neste caso. Estamos falando de que o pleno non celebrou ás 12 da mañá, hora para a que estaban previstas as manifestacións, e si o BNG convocou unha manifestación ás sete da tarde como o pleno era ás sete e media podían asistir si querían. O PSOE tampouco asistiu a esta sesión, a súa responsabilidade terán”.
Alfonso Fuente sinalou que “estamos aprobando un plan de axuste como están a facer todos os concellos deste país para axustar as contas, para cumplir coa lei de transparencia e para facer as cousas como hai que facelas depois dunha situación herdada de cómo quedou o país cos parados que hai e hai que facerlle frente a esta situación. O plan de axuste afectarálle ao Concello ata o ano 2022, debería ser responsabilidade da oposición asistir a este pleno. É verdade que despois do 2015 pode haber unha nova Corporación con outra formación política ao frente que estará condicionada por este plan de axuste e tamén a seguinte”.
O rexedor de Barreiros engadiu que “a parte do plan de axuste tamén se aprobaba o convenio colectivo dos traballadores do Concello de Barreiros e parece que a eles tampouco lles importa. Parece que cando falamos de reformas laborais aquí o que importa é ir coa pancarta manifestarse. Haberá que agardar para ver si esa reforma laboral disminúe os parados que hai neste país e despois haberá que facer as manifestacións si hai que facelas ou decir que funcionou si funciona”.
Para Fuente Parga “o BNG debera predicar co exemplo, bótaseme en cara que se convocou o pleno e que tiveron a información un día antes da celebración desa sesión e curiosamente un concello gobernado polo BNG nesta comarca, o de Mondoñedo, enviaba onte a última hora a documentación á oposición para o pleno que se celebra hoxe. A portavoz do PP preguntou por ese pleno o pasado mércores e ese alcalde non lle dixo nada de para cando estaba previsto. A veces hai que mirar cara dentro e predicar co exemplo. Poido entender que neste caso esteamos a falar do BNG, pero xa non sabemos si é Máis Galiza, Encontro Irmandiño… por eso ás veces poderán decir que non forman parte do BNG. Hai que mirar cara dentro antes de criticar”.
Remitido
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
