O Partido Popular abandonou o pleno como mostra de repulsa ante a falta de respecto e de verdade amosada polo goberno
O Plan de Axuste elaborado polo Concello de Mondoñedo non reduce o custe de persoal político do bipartito
PP critica que o goberno local non convocase ningunha reunión de portavoces para explicar e tratar as medidas que condicionarán o futuro de Mondoñedo durante os próximos dez anos
O Grupo Popular explica que o plan non recolle ningunha medida drástica de axuste o que demostra que a situación do Concello non é tan crítica como explicaba o bipartito, confundindo á cidadanía
Mondoñedo, 31 marzo do 2012.- O Grupo Popular Municipal de Mondoñedo critica que o Plan de Axuste elaborado polo goberno local non reduce as dúas dedicacións exclusivas do bipartito nin a asignación por dietas, así tampouco recolle ningunha medida drástica para sanear as arcas municipais, excepto a de abrir ao público un mes menos as instalacións das piscinas. Ante este plan de axuste, o equipo de goberno demostra que a situación económica e orzamentaria do Concello non é tan crítica como levan explicando dende a súa entrada no goberno, co único obxecto de confundir á cidadanía.
No pleno celebrado onte, os concelleiros do Partido Popular abandonaron a sala onde se celebraba a xuntanza de control de goberno mensual sen proceder á votación en sinal de protesta, segundo explica a portavoz local, Elena Candia, por mostras continuas de falta de respecto, así como incidencias reiteiradas en mentiras constantes.
Candia recorda que o bipartito sempre criminalizou a xestión económica do PP de Mondoñedo, e agora presentan un plan de axuste que se sustenta en amortizar prazas de persoal que se xubila, non contratar novo persoal, diminuír gastos correntes e suprimir a asignación a partidos políticos, así como a asistencia a órganos colexiados, un gastos, estes últimos, que xa non se asumían dende o goberno bipartito. Poren, a portavoz local reincide en que o custo político producido ata agora, e que non se suprime nin se reduce, son as dietas do equipo de goberno e o pago de dúas dedicacións exclusivas.
Plan de Axuste
A portavoz local resume que este plan de axuste elaborado polo bipartito critica a situación actual do consistorio local baseándose en catro problemas: a plantilla sobredimensionada, a débeda contraída por exercicios anteriores, os servicios que non se financian e a contabilidade atrasada. Así, explica Candia, que partindo desta situación actual, dende o Concello pretenden planificar a devolución do millón e medio de euros que pagarán a proveedores. Un obxectivo, o da elaboración do plan de axuste, para o que dende o goberno local non convocaron ningunha xunta de portavoces, impedíndolle así ao Partido Popular formar parte dunha decisión que condicionará os próximos dez anos do Concello mindoniense.
A portavoz local recorda que a xestión levada a cabo por parte do bipartito durante os últimos 5 anos, non arranxou os problemas descritos na situación actual. Así, Candia amosa a súa sorpresa ante o dato extraído da contabilidade que reflexa unha diferencia positiva de 433030 entre as obrigas pendentes de pago (6372220) e os dereitos pendentes de cobro (6805250).
.
Candia lembra que no Concello si que había obras executadas e sen aboar na súa totalidade, incluso dende a época do anterior goberno bipartito (1995-1999), pero a portavoz local tamén denuncia que a xestión con proveedores por parte do actual goberno, lonxe de arranxar, ou diminuír, incrementou a débeda dado que á principal, hai que sumar intereses e costas.
A portavoz provincial agradece o traballo desenvolvido polos técnicos municipais así como a medida levada a cabo polo presidente do Goberno que permitirá cobrar unha débeda asumida e axudará así a sanear as contas municipais.
PARTIDO POPULAR
Es posible que tu navegador no permita visualizar esta imagen.
Remitido
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
