O cabeza de lista do BNG interviu hoxe nun mitin en Foz xunto ao número 3 da lista, Manuel Parga
FERNANDO BLANCO: “CONTRA OS ATAQUES, PROPOSTAS; CONTRA AS MENTIRAS, IDEAS; CONTRA AS FALSEDADES, COMPROMISO E TRABALLO”
O candidato nacionalista acusa a PP e PSOE de “intentar trasladar a Galiza a campaña suxa doutras partes do Estado” e afirma que “o BNG non vai entrar porque aos cidadáns o que lles importa é que se fale dos problemas de Galiza e das solucións a eses problemas”
Fernando Blanco di que el vén á Mariña “cos deberes feitos”, non coma outros, dixo, “que só veñen en campaña electoral a pescar votos”
Foz, 26 de febreiro. O cabeza de lista do BNG pola provincia de Lugo, Fernando Blanco, acusou hoxe a PP e PSOE de “emporcar a campaña galega” tentando “trasladar a Galiza as súas pelexas de Madrid”. Nun mitin na Sala Bahía de Foz ante máis de 250 persoas, o cabeza de lista do BNG pola provincia de Lugo afirmou que “o BNG non vai entrar na campaña suxa de acusacións e descalificacións porque aos cidadáns o que lles importa é que se fale dos seus problemas, dos problemas de Galiza e das solucións a eses problemas”, dixo.
Fernando Blanco acusou a PP e PSOE de “estar máis pendentes nesta campaña de Madrid que de Galiza” e de non facer “nin unha soa proposta para o noso país nin para saír da crise, que é o que lle preocupa aos cidadáns”. O candidato nacionalista centrou a campaña en Galiza e dixo que “o que os galegos e galegas escollen o domingo é o Goberno galego e non a un ministro en Madrid” polo que dixo, “o BNG vai falar dos problemas do país e das solucións a eses problemas” e non de “enredos cortesanos”.
“PP e PSOE están á gresca e a lea continua no Estado: dimiten, espíanse, denúncianse, van de caza, fan de todo menos facer propostas para Galiza porque uns e outros levan toda a campaña máis pendentes de Madrid que de Galiza”, afirmou Fernando Blanco, que dixo que “nesta campaña só o BNG fixo propostas”. “Nesta campaña no campo das ideas e no campo das propostas o BNG gaña por goleada, porque só o BNG está a facer propostas; os demais o que fan é pelexarse por cousas de Madrid”, remachou o cabeza de lista do BNG.
“O BNG vén á Mariña cos deberes feitos”
Nunha Sala Bahía ateigada de xente, Fernando Blanco afirmou que el vén á Mariña “cos deberes feitos”. “Non coma outros, dixo, que “só veñen en campaña electoral a pescar votos”. O cabeza de lista do BNG citou actuacións acometidas polo BNG na Xunta nestes catro anos en Foz como o investimento de 2,2 millons de euros no Polígono Industrial, a creación dunha Galescola, a construción de vivenda pública, a promoción turística ou a rehabilitación da Rectoral de San Martiño para acoller un Museo Diocesano.
Fernando Blanco fixo referencia tamén ao servizo de Urxencias en Foz e dixo que “só o BNG mantivo sempre esta reclamación; outros apúntanse por momentos, que acostuman coincidir con eleccións”, criticou o candidato nacionalista. Fernando Blanco comprometeuse en Foz a dotar de maiores medios humanos e materiais o Hospital da Costa así como nos PAC e as Unidades de Atención Primaria, vencellado a un novo mapa sanitario na Comarca, que reduza as listas de espera, aumente o tempo de atención e racionalize a asistencia sanitaria.
O catastrofismo do PP
O candidato nacionalista referiuse tamén á estratexia do PP nesta campaña, que consiste, segundo Fernando Blanco, “en pintar un panorama catastrofista e desolador e en dicir todos os días que Galiza está moi mal”. O cabeza de lista do BNG referiuse a esta esta estratexia do PP como “política destrutiva” e contrapúxoa coa política do BNG: “nós temos confianza neste país e na xente deste país mentras que o PP píntao todo negro porque nunca confiou nos galegos e galegas”, afirmou Fernando Blanco.
O cabeza de lista do BNG por Lugo lembroulle a Alberto Núñez Feijóo que “nin está inmaculado nin acaba de chegar a isto” posto que, dixo Fernando Blanco, “tivo responsabilidade de Goberno durante moitos anos e mesmo foi xa vicepresidente da Xunta con Fraga”, polo que lle recomendou que “se todo está tan mal en Galiza como di o mellor que pode facer o señor Feijóo é mirarse ao espello porque atopará ao responsable desa situación”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
