Dúas empresas vinculadas co sector forestal presentan este sábado proxectos que poden ser de interese para o futuro laboral de Mondoñedo
A Casa da Xuventude acolle a primeira actividade da Mesa de Seguimento centrada na análise da xestión do sector forestal como unha fonte de recursos para a creación de postos de traballo
O PP local agradece a actitude colaboradora mostrada polo equipo de goberno ao aceptar as propostas do PP, que agora poñen a andar nun proxecto conxunto entre a Xunta e os tres partidos políticos locais
Mondoñedo, 3 de maio de 2012- O Grupo Municipal do Partido Popular agradece a actitude colaboradora amosada polo equipo do goberno en relación coas propostas do Partido Popular para o fomento do emprego mindoniense, postas en común na última reunión da Mesa de Seguimento, e que agora empezan a materializar este sábado coa celebración da primeira actividade programada, que xira en torno a análise do sector forestal como fonte de emprego.
A primeira actividade da Mesa de Seguimento, na que participan a Xunta (Consellería de Economía e Industria e Xesgalicia), o Concello de Mondoñedo e os grupos municipais terá lugar este sábado na Casa da Xuventude da localidade, de 10:30 a 14:00 horas.
Baixo o titular de A Xestión Forestal Sostible crea Emprego, expertos no sector analizarán se a comarca, tendo en conta os seus recursos forestais, reúne condicións óptimas para ser sede dalgún proxecto que poida crear postos de traballo.
Responsables de dúas empresas vinculadas ao sector forestal analizarán os proxectos que poden ser de interese para Mondoñedo. Así, trala análise da situación dende a perspectiva da Administración da man do xefe de Montes da provincia de Lugo, Miguel Cela; Roberto Astorga, responsable de Biomasa do Grupo Ence, analizará a experiencia de Ence na produción de enerxía eléctrica, co emprego da BIOMASA; mentres que Fernando Solla Gullón, director técnico de ISEMPA SL, centrará a súa exposición no uso da Biomasa forestal como combustible para a xeración de enerxía térmica: caso práctico aplicado a Mondoñedo.
Na mesa redonda tamén intervirá o xerente de Maderas Villapol, Daniel Villapol, que analizará a súa interesante experiencia empresarial e puntualizará no asociacionismo como elemento clave para o desenvolvemento forestal. Pola súa banda, o doutor en ciencias e coordinador do programa de investigación forestal do Principado de Asturias e director científico da fundación Cetemas, Juan Majada Guijo, centrará a súa exposición na optimación de sistemas de produción, especial interese nos cultivos enerxéticos.
A primeira das xornadas organizadas pola Mesa de Seguimento para o fomento do emprego na cidade e a procura de alternativas de futuro nunha comarca lastrada por coñecidas crises empresariais será clausurada pola Conselleira de Medio Rural e do Mar, Rosa Quintana.
Esta é a primeira das actividades consensuadas entre a Xunta, o Concello de Mondoñedo e os tres partidos municipais. As outras propostas centraranse na dinamización do sector turístico para xerar emprego e sensibilizando aos veciños e emprendedores das posibilidades de negocio que deseña este sector.
Remitido
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
