O Grupo Municipal Socialista e a executiva local do PSdG-PSOE de Foz, mantiveron unha reunión de urxencia, onte mércores, para analizar as manifestacións do Alcalde de Foz nos medios de comunicación sobre a retirada de parte dos fondos que o Estado aporta ao noso Concello.
Segundo o Portavoz do Grupo Municipal,José María García Rivera a reunión foi porque os compañeiros e compañeiras da Executiva non entenden como o Alcalde de Foz tivo a cara de facer unhas declaracións, como as que fixo, nos medios de comunicación cando os grupos políticos do Concello incluído o PSOE están negociando un posible documento para aprobar os presupostos, esto foi unha puñalada trapera e como sempre detrás de esto están os asesores de este Alcalde que vai a deriva- consideran.
O mais normal sería, cando se está en negociación, levar todo documento que teña que ver con esa documentación a reunión para analizar o enviado polo Ministerio e tomar decisións, pero non, este señor colle e alarma a toda Galicia e logo chama para reunirse; esto é incrible.
A Executiva manifestoulle a Rivera que o PSOE foi claro cando dixo que non ía entrar no Plan de Axuste e así se lle comunicou ao Alcalde, pero non hai mal que por ben non veña e as tesis que defenden os socialistas van saíndo, dicíamos que os planes de axuste traian subida de impostos e créditos moi caros para o noso Concello, considerando que o crédito do Plan de Axuste en 10 anos custaría 500.000 euros en interese ,agora si se devolve a débeda en 3 anos serán moito menores os intereses que se terán que asumir.
A Executiva do PSOE estivo moi critica con volver a mesa de negociación que está convocada para o xoves ás 19 horas, os membros da executiva creen que o Alcalde fixo gala de unha prepotencia supina e si se quere estrelarse que o faga, pero que o ridículo que está facendo é algo impresionante. Considerando que o que merecería o Sr Alcalde pola súa forma de actuar seria romper as negociacións, eso non vai ser así, porque tanto a Executiva como Grupo municipal, farán un exercicio de responsabilidade e tendo en conta que a palabra dada debe prevalecer sempre, o PSOE asistirá a dita reunión, xa que os socialistas sempre traballamos na busca do mellor para os cidadáns, independentemente de quen nos goberne.
A executiva manifesta que ten total confianza no Grupo Municipal e no seu portavoz José Maria García Rivera cando asistan a xunta de portavoces para tratar este tema, e que deixan nas súas mans as decicións que se adopten por que consideran que saben perfectamente o que se traen entre mans. Rivera agradeceu a sensatez e comprensión da Executiva Local e a maiores a paciencia que hai que ter para aguantar as deslealtades do Sr. Alcalde de Foz.
Remitido
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
