OS BURELAOS ESGOTAN O ÚLTIMO CARTUCHO A DOMICILIO EN VALENCIA
Os burelaos esgotarán o último cartucho a domicilio este sábado, na pista do UPV Maristas Valencia, para manter viva a chama do espírito laranxa no que pode converterse no sétimo play off de ascenso á elite do conxunto mariñán. O pavillón da Universidade Politécnica marcará o inicio da penúltima xornada de Segunda ás 18.30 horas.
Catro conxuntos entran na disputa dos últimos billetes para o play off neste sprint ligueiro. Con 39 puntos, o UMA Antequera terá a difícil visita do segundo clasificado, Manzanares (53 puntos), á caza do líder granadino (56), e, como contrapunto, o UA Ceutí recibirá o pechacancelas, Playas de Castellón (25). Empatado cos burelistas, o Hotels Plaza Andorra tamén xogará na casa, fronte ao Melilla (31), que escapa do descenso.
O Burela FS Pescados Rubén viaxa a terras levantinas convencido das súas posibilidades e moi motivado tras o golpe de autoridade sobre o FC Barcelona (3-0) da última xornada. Os laranxas deberán desfacerse dunha materia un tanto pendente, a efectividade como visitante, nunha pista moi lenta, á que non están en absoluto acostumados, para bater a un conxunto de traxectoria irregular que ocupa a duodécima praza (33), a pesar de partir como un dos candidatos á zona alta.
No vestiario laranxa, Ique regresa tras un partido de sanción; tamén forman parte da expedición os xuvenís Carlos e Keko. Viaxou ademais Purao, que retomou onte os adestramentos despois de dúas semanas por unha lesión de menisco, aínda que non está asegurada a súa intervención.
Remitido
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
