O Concello explícalle ao PSOE que todos os expedientes de axuda a domicilio teñen informe favorable de Servizos Sociais
-A edil de Servizos Sociais considera “extremadamente grave” que os socialistas fagan públicos datos e detalles persoais dos veciños
Cervo, 4 de maio de 2012-O goberno de Cervo saíu ao paso das críticas vertidas polo grupo municipal do PSOE ao redor do servizo de axuda a domicilio. A edil de Servizos Sociais, Tania González, lamentou que “os socialistas saian na prensa falando duns expedientes de axuda a domicilio sen antes interesarse polos informes correspondentes a cada caso”. González explicou que “todas as persoas que se benefician da axuda a domicilio do Concello de Cervo teñen informes favorables dos Servizos Sociais, e ningunha recibiu un informe en contra”.
González lembra que os informes emitidos polos traballadores e traballadoras de Servizos Sociais son determinantes e vinculantes para a percepción dunha axuda ou dun servizo, “un persoal cualificado para valorar as situacións e circunstancias de cada caso e emitir un informe favorable ou desfavorable que servirá para conceder ou non dita axuda”. Así, González considera que coas súas declaracións, os socialistas “póñense en evidencia unha vez máis” amosando “desinterese por coñecer a realidade e por informarse”. A edil pensa que “ao PSOE non lle interesa saber se existen informes favorables, só busca escusas para criticar ao goberno”.
Tania González lamentou ademais que os socialistas teñan a “desvergonza e a indecencia” de saír á prensa con casos particulares. “É extremadamente grave dar datos e detalles sobre persoas que poidan estar na base de datos do Concello” asegura González, e aínda que non se dea o nome “cos datos achegados moitas persoas poderían identificar a ese usuario, co cal estaríase vulnerando a intimidade dun veciño”. A responsable de Servizos Sociais pídelle ao PSOE de Cervo que “cando teña dúbidas sobre este tipo de cuestións, fale con algún membro do goberno e trate de informarse antes de crear falsas alarmas e, sobre todo, de publicar datos persoais e privados” remata a edil.
Remitido
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
