DIANTE DA PARÁLISE E LENTITUDE DO GOBERNO LOCAL O BNG LEVA AO PARLAMENTO OS PROBLEMAS DE VECIÑOS DE LOURENZÁ PARA SEGUIR TRABALLANDO AS SÚAS EXPLOTACIÓNS FORESTAIS.
O pleno da corporación xa aprobou fai dous meses unha iniciativa nacionalista para ofrecer unha solución que non chega mentres hai xente que xa perdeu oportunidades de venda de madeira por non poder acceder ao monte.
Os veciños solicitaron ao concello melloras no camiño de acceso aos montes de San Lourenzo que coincide co Camiño Norte de Santiago e a solución non permite o paso de maquinaria pesada para realizar labores forestais.
A Mariña, 5 de maio de 2012. O Portavoz Comarcal do BNG, Antonio Veiga, Manuel Parga, parlamentario e Cesar Docampo, portavoz municipal nacionalista no concello laurentino, reuníronse hoxe con veciños da Parroquia de San Xurxo para presentarlles un paquete de iniciativas destinadas a desbloquear a parálise do goberno local e da Xunta para arranxar os problemas de acceso e explotación forestal do monte de San Lourenzo. O problema xurdiu despois de que a Sociedade de Xestión do Xacobeo executara obras de mellora a petición do goberno local dun camiño que coincide co trazado do Camiño Norte de Santiago e que impide, despois da súa execución, o paso de maquinaria forestal pesada e por tanto a explotación forestal que os veciños facían das súas propiedades. Os nacionalistas comparten a necesidade de adecuar o trazado do Camiño Norte como ben cultural e motor económico, mais isto debe ser compatíbel co servizo que antes prestaba ese camiño para acceso ás explotacións forestais.
O BNG leva a iniciativa por segunda vez diante da parálise do goberno local para solucionar o problema.
O BNG xa levou ao pleno da corporación unha iniciativa que buscaba solucionar os problemas de explotación forestal do Monte de San Lourenzo despois das obras executadas pola Sociedade de Xestión do Xacobeo nun camiño de acceso que coincide co Camiño Norte de Santiago que impiden o paso que maquinaria forestal e por tanto a súa explotación. A pesar do acordo plenario que obrigaba ao goberno local a buscar alternativas consensuadas cos veciños para solucionar o problema van xa dous meses sen ofrecerse solucións o que obriga ao BNG a actuar de novo levando o tema ao Parlamento Galego. Neste sentido, o parlamentario nacionalista Manuel Parga, “aclarou que no BNG apoiamos a posta en valor do Camiño Norte, mais isto debe compatibilizarse cos dereitos de explotación forestal do monte e por tanto é obrigado buscar solucións con rapidez”. O nacionalista presenta unha batería de preguntas para coñecer si o goberno local fixo algunha xestión ao respecto, cal foi o custe das obras executadas pola Sociedade de Xestión do Xacobeo, cales son as solucións propostas pola Xunta e en que prazos está prevista a súa execución. Ademais mediante unha Proposición Non de Lei instase á Xunta a executar con urxencia as medidas necesarias para permitir o acceso ao monte aos veciños coa maquinaria necesaria para a súa explotación.
Antonio Veiga acusa á Xunta de Galiza de malgastar fondos públicos con actuacións que non saben compatibilizar a valorización do Camiño Norte coa explotación forestal dos propietarios.
O portavoz Comarcal nacionalista, Antonio Veiga, afirmou que “o BNG comparte a valorización do Camiño Norte como recurso cultural e económico mais aclarou que cando se executa unha obra destas características hai que ter en conta as necesidades da xente que vive na zona e explota os recursos agrícolas ou forestais”. Neste sentido preguntouse “cal foi o papel do goberno local que non definiu no seu momento coa Sociedade de Xestión do Xacobeo as características e necesidades desta actuación”. Veiga valorou o traballo do BNG local que está coa xente e cos seus problemas e aquí demóstrase unha vez mais.
Cesar Docampo agardou que isto sirva para que a Xunta e goberno local se poñan as pilas e solucionen dunha vez o problema que xa está causando prexuízos económicos á xente.
O portavoz municipal nacionalista, Cesar Docampo, “agardou que Xunta e Concello actúen con celeridade xa que este problema xa está causando prexuízos económicos aos veciños ao ter que paralizar xa varias vendas de madeira”. O nacionalista que fixo entrega de copias das iniciativas presentadas a un grupo de veciños afectados, “non comprende a lentitude e parálise do goberno local cando en teoría teñen fío directo coa Xunta e unha concelleira, en referencia a Enma álvarez Chao, é a responsábel de medio rural do grupo parlamentar do PP”. Docampo lembrou que ademais da iniciativa aprobada no concello para dar solución ao problema pediron a inclusión da obra no PEIM Rural de 2012 sen que houbera resposta por parte do concello.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
