O deputado popular chama a “responsabilidade e reflexión” da oposición en Foz para que non volvan a bloquear un proxecto dirixido a garantir a viabilidade e sustentabilidade da facenda local e a garantir que sigan prestándose con normalidade e calidade os servizos públicos aos veciños
BALSEIRO LEVA AO PARLAMENTO UNHA INICIATIVA PARA PEDIRLLES ÁS FORZAS POLÍTICAS DE FOZ A NECESIDADE DE APROBAR UN PLAN DE SANEAMENTO FINANCIERO.
A Lei de orzamentos do Estado permite que, de aprobarse un novo plan de saneamento, se reduza do 50 ao 25 por cento a cantidade que o Ministerio de Facenda deixa de pagar mensualemente ao Concello de Foz.
A Mariña, 5 de maio de 2012.- O deputado do Partido Popular de Galicia e secretario da Mesa da Cámara lexislativa galega, Jose Manuel Balseiro, rexistrou unha proposición non de lei no Parlamento de Galicia para que esta Cámara acorde formalmente “manifestar a necesidade da aprobación dun plan de saneamento no concello de Foz”. A iniciativa parlamentaria -da que é autor Jose Manuel Balseiro- busca dirixirse ao conxunto das forzas políticas de Foz e instarlles a chegar un acordo que permita garantir a viabilidade e sustentabilidade da facenda local e tamén garantir que sigan prestándose con normalidade e calidade os servizos públicos aos veciños.
INTERESES XERAIS ANTES QUE PARTIDISTAS
Balseiro está convencido de que se as forzas políticas da oposición “antepoñen os intereses dos seus veciños aos seus particulares e partidistas serán capaces de comprender que o plan de saneamento é unha actuación absolutamente imprescindible e polo tanto farán o posible por aprobalo”. O deputado popular quere que o Parlamento debata e se pronuncie sobre esta situación e, por iso, rexistrou esta iniciativa parlamentaria á vez que fai un chamamento “á responsabilidade e reflexión das forzas da oposición”
No caso de que o Pleno do Concello de Foz chegue a un acordo e logre aprobar agora un novo plan de saneamento, a Lei dos Orzamentos Xerais do Estado permite ao Ministerio de Facenda reducir do 50 ao 25 por cento a cantidade que o Concello de Foz deixará de recibir das achegas mensuais do Estado. Esta sensible redución permitiría dispoñer de máis fondos e situaría á Facenda local nunha mellor posición e liquidez.
BLOQUEO DA OPOSICIÓN
A comprometida situación financeira do Concello de Foz foi resultado da decisión das forzas políticas da oposición (PSOE, UNIFOZ e BNG) que se negaron a aprobar o plan de axuste incluído dentro do plan de pago aos provedores. A normativa establece que neste caso será o Estado o que directamente pague as débedas aos provedores e reduza unha cantidade equivalente ao 50% dos fondos que o Concello recibe cada mes do Estado ata que se salde a débeda contraída. Esta situación implicaba unha redución moi importante de liquidez na facenda local o que poñía en risco a prestación dalgúns servizos públicos en calidade e normalidade ou incluso o pago das nóminas do persoal municipal.
Remitido
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
