Elena Candia reuniuse onte en Santiago de Compostela co director xeral de Desenvolvemento Rural, Antonio Crespo
Medio Rural cumpre con Mondoñedo ao consignar en 2012 máis de 338.000 euros para a axilización das concentracións parcelarias da localidade
Elena Candia destacou que a Consellería contratará o replantexamento das fincas resultantes na área de Sasdónigas, o que suporá un investimento de máis de 33.500 euros.
A voceira municipal popular tamén se interesou polos procesos de concentración de Masma e da área norte do termo municipal mindoniense, xa que para o ano 2012 tense previsto a contratación da rede de camiños secundarios cun investimento superior aos 304.600 euros
Mondoñedo, 9 de maio de 2012- A voceira municipal do Partido Popular de Mondoñedo, Elena Candia, destacou a firme aposta que a Consellería do Medio Rural e do Mar cos procesos de concentración parcelaria da área mindoniense, e subliñou o compromiso da propia conselleira e do seu equipo por dar remate aos trámites dos procedementos levados a cabo na zona das Sasdónigas, Masma e área Norte do termo municipal, tal é como lle expresou a titular do departamento autonómico na recente visita a Mondoñedo para clausurar a xornada levada a cabo pola Mesa de Dinamización.
A Consellería do Medio Rural e do Mar consignou para o 2012 un investimento superior aos 338.000 para a axilización das concentracións parcelarias da localidade. Así, recóllese a previsión da execución da rede de camiños secundarios na concentración da zona Norte, para cuxo fin dende a Administración prevé destinar 304.600 euros, así como un investimento de máis de 33.500 euros para o replantexamento de fincas en Sasdónigas.
Logo da xuntanza mantida onte co director xeral de Desenvolvemento Rural, Antonio Crespo, a responsable do grupo popular no Consistorio mindoniense manifestou a súa confianza en que esta aposta, realizada dentro das posibilidades da propia Consellería, permita que se podan adoptar de inmediato os pasos conducentes á finalización destes procesos que, nalgún caso, acumula máis de 45 anos de tramitación. Desta maneira, segundo Candia, a Xunta compre con Mondoñedo en relación a unha das preocupacións constantes e dos compromisos máis fortes asumidos polo PP local e para darlle traslado aos mindonienses, o grupo local manterá este venres unha reunión cos veciños de Sasdónigas.
No caso da zona de Sasdónigas, e que se estende por terreos de parroquias de Mondoñedo e Abadín, desde a chegada do Partido Popular ao goberno autonómico, o procedemento sufriu un importante impulso, que fixo que se superaran as dificultades existentes e que radicaban na necesidade de dispor do preceptivo informe de impacto ambiental e de salvagardar o Camiño de Santiago, que discorre pola zona.
Así, e como proba deste impulso, Elena Candia destacou que a Consellería do Medio Rural e do Mar investirá máis de 33.500 euros no replantexamento das fincas, medida que tomará forma nos próximos meses.
Mondoñedo Norte e Masma
No referente á área de Mondoñedo Norte, Elena Candia apuntou que os recursos a este proceso non superaron o tope legal polo que xa se replantexaron as fincas no terreo, o que permitiu a autorización á toma de posesión das novas fincas por parte dos veciños, o que os converte propietarios e posuidores das novas fincas creadas polo órgano concentrador.
A voceira municipal popular destacou a importante labor de actualización do expediente que está a levar adiante a Consellería de Medio Rural e do Mar no que atinxe á titularidade das fincas, xa que moitas víronse afectadas por cambios de titularidade por falecementos, compras, etcétera.
Amais, Candia tamén significou que o director xeral lle informou de que se están a estudar e resolver, baixo consenso dos veciños, moitas modificacións do acordo estando pendentes de resolución unhas poucas reclamacións de superficie. Nesta mesma liña, a voceira popular tamén subliñou que se están a acelerar os trámites no proceso relativo á área de Masma, e no que a Consellería está a centrar de xeito importante os seus esforzos.
Así mesmo, pende a execución da segunda fase da rede de camiños da zona, e de selo caso, o acondicionamento das fincas, cuxo proxecto xa está redactado e para o acondicionamento da rede de camiños secundarios, a previsión para o 2012 da Consellería é a de investir máis de 304.600 euros. Para verificar o bo avance destes procesos, a voceira popular manifestou a súa intención de manter en breve outra xuntanza cos responsables do departamento autonómico, do que agarda que se tiren aspectos positivos coma a continuidade da disposición da rede de camiños.
A este respecto, Candia quixo expresar o agradecemento cara a Rosa Quintana, quen está a recoller de bo grado as propostas e inquedanzas do Partido Popular de Mondoñedo e apostando por levar adiante estas peticións na medida das posibilidades económicas do seu departamento, coas que a edil mindoniense se amosou comprensiva.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
