RIBADEO (FNC) .- Desde hoxe está en exposición pública o proxecto de construcción da ruta das cetáreas entre Rinlo e A Devesa. O alcalde, Fernando Suárez, pensa que “é un dos proxectos máis ambiciosos, máis importantes, máis custosos e máis beneficiosos para Ribadeo, pero sobre todo para o núcleo Urbano de Rinlo e tamén para A Devesa”. A inversión ascenderá a 3,7 millóns de euros.
O rexedor ribadense engade que “este proxecto busca dous obxectivos fundamentais: o etnográfico e o turístico. O etnográfico centrado en aspectos como a recuperación de muros, de edificacións de interese… a creación de acuarios para a divulgación e interpretación de animais e plantas mariñas. Hai que ter en conta que a recuperación ambiental de toda esta zona suporá que se actúe sobre unha superficie aproximada de 90.000 metros cadrados. A vía costeira que une as tres cetáreas vaise converter nun camiño peonil e de paseo e un anterior paralelo froito da concentración parcelaria será obxecto dunha actuación con aglomerado asfáltico. Ademais vanse prever aparcamentos en cantidade suficiente para poder albergar todo o turismo que chegará á zona”. Fernando Suárez di que “chegará turismo educativo procedente de colexios e institutos que poderán vir ver esta riqueza etnográfica que tivemos esquecida e virá tamén o turismo familiar que poderá practicar un recurso que se está a poñer moi de moda que a pesca sen morte, é dicir, a pesca nunhas condicións de tranquilidade que permitan aos nenos sen perigo poder pescar peixe e despois botalo de novo á auga nas cetáreas”.
Suárez Barcia di que “agora con esta exposición pública os veciños ou quen o queira ver poderá estudar o proxecto e alegar. Pero entendemos que este proxecto vai ser fundamental para unha recuperación económica de Rinlo desde o punto de vista do turismo e desde logo creo que si isto se consolida ben haberá varias referencias, a Casa dos Peixes na Coruña, pero tamén será de renome a ruta das cetáreas de Ribadeo. Suliño que nunha delas, na terceira onde había unhas naves de hai 40 anos vanse facer uns acuarios onde se poidan poñer plantas mariñas e diferentes especies de crustáceos do Cantábrico”.
O alcalde considera que “esta ruta será unha referencia turística de primeiro nivel. Estou confiado en que todo o traballo que levamos feito con moita discreción desde hai ano e medio entre o Concello e Costas, eu creo que se consolidará. Cando acabe esta exposición pública procederase á súa adxudicación e agardo que nun período de tempo razoable poidan estar en construción e ter listo isto para Ribadeo canto antes”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.