Independientes de Viveiro
O Concelleiro abaixo firmante, Guillermo Leal Arias, portavoz do GRUPO MUNICIPAL DO PARTIDO INDEPENDIENTES DE VIVEIRO (iVi), no Concello de Viveiro,
EXPÓN:
Que ao amparo do disposto no art. 35 da LEI DE PROCEDEMENTO ADMINISTRATIVO COMÚN; no art. 77 da LEI REGULADORA DE BASES DE RÉXIME LOCAL, LEI 7/1985 de 2 de abril; no texto refundido das disposicións legais vigentes en materia de réxime local aprobado por R.D. 781 7 86, de 18 de abril e dos atrs. 14, 15 e 16 do reglamento de organización, funcionamento e réxime xurídico da entidades locais, aprobado por R.D. 2568/86, de 28 de novembro e demais normativa legal procedente e que resulte aplicable, presenta a seguinte:
MOCIÓN
SOLICITUDE DE AXUDAS PARA OS AFECTADOS DO CELEIRIÑO
No mes de Xaneiro de 2009 a ex-Conselleira de Vivenda da Xunta de Galicia Dª Teresa Táboas visitou o Concello de Viveiro, para reuníase cos representantes da Corporación Municipal e máis cos afectados, polo desastre no barrio do Celeiriño e para tratar de solucionar o gran problema que ocurrira no mesmo. Prometeu e cumpreu que para o próximo Consello da Xunta de Galicia, levaría a proposta explicada. E así foi, no Consello da Xunta de Galicia de data 21-01-2009 aprobabase a reserva de 1.503.216,50 euros para solucionar a situación do barrio do Celeiriño,
As actuacións consistirán na adquisición de oito novas vivendas para entregar ás familias afectadas pola deterioración dos seus inmobles, e no financiamento das obras de rehabilitación doutras 21 vivendas. Os terreos das oito vivendas que hai que demoler irán destinados a equipamentos públicos.
O Consello tamén aprobou a declaración de urxencia para poder facer efectivas o antes posible as axudas para os afectados.
A proposta da Consellería de Vivenda e Solo, de acordo cos informes remitidos no seu día polo Concello de Viveiro, inclúe unha dobre actuación en función do estado das vivendas. Por unha banda, subvencionar a adquisición de oito novas vivendas para entregar ás familias propietarias dos oito inmobles que se atopan en estado de total deterioración. O investimento total previsto ascende a 873.216 euros, é dicir, 109.152 euros para cada vivenda, contía que se corresponde co prezo que ten unha vivenda protexida de prezo xeral no concello de Viveiro.
O Concello de Viveiro será o responsable de buscar e adquirir estas oito vivendas en colaboración coas familias afectadas e a consellería aboará o importe ao concello unha vez que presente os correspondentes compromisos de contrato de compravenda. A cambio os propietarios deben ceder as actuais vivendas ao IGVS, organismo adscrito á Consellería de Vivenda e Solo, que serán derrubadas e os soares resultantes serán destinados á dotación de equipamentos públicos.
Por outra banda, segundo os informes presentados polo concello, existe un segundo grupo de 21 vivendas afectadas que precisan obras de rehabilitación. Para este segundo grupo a proposta da consellería pasa por sufragar os gastos de rehabilitación destes inmobles con axudas de ata 30.000 euros por vivenda, o que supón un investimento total previsto de 630.000 euros. Neste caso, o concello deberá emitir un informe acreditativo de que esta é a solución máis acaída para estas vivendas.
A Consellería de Vivenda e Solo traballou nas últimas semanas para buscar a mellor proposta desde o punto de vista xurídico, tendo en conta que se trata dun problema ocasionado por unha empresa privada a uns particulares.
Máis adiante, no Consello na data 02-04-2009 modificábase a cantidade a 915.000 euros. O Goberno local remitiu á Consellería de Vivenda e Solo a opción de compra de sete das oito vivendas previstas, destinadas ás familias cuxas vivendas no barrio do Celeiriño deberán ser derrubadas. Unha das propietarias renunciou.
O investimento que aprobou o Consello da Xunta incrementouse en 41.784 euros debido a que se computou tamén o valor dun rocho e unha praza de garaxe para cada unha das vivendas.
Na citada visita da ex-Conselleira tamén se dixera de que se había máis vivendas afectadas unha vez se consolidase o barrio que terían o mesmo trato que as anteriores.
Agora, e despois de que rematen as obras que comenzaron a pasado día 14 de maio para o acondiconamento da rúa atalaia e coa posterior apertura do barrio, vaise ver realmente si existen maís vivendas que requiren ser demolidas ou tamén os arranxos no resto.
Por todo o dito, o partido Independientes de Viveiro, Solicita a aprobación do Pleno da Corporación Municipal de Viveiro, do seguintes acordos:
1º) Que unha vez avaliados os danos causados nas vivendas, Solicitar a Consellería de Vivenda da Xunta de Galicia:
a) No caso de que haxa que derribar algunha das vivendas, que se proceda a darlles o mesma solución e tratamento que os anteriores.
b) Que no caso das rehabilitacións se proceda á achega das axudas comprometidas no seu día.
2º) Remitir as distintas forzas políticas representadas no Parlamento de Galicia o acordo para o seu tratamento.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
