Bernardo Fraga Galdo, Portavoz Municipal do Grupo Municipal do BNG no Concello de Viveiro ao abeiro do Regulamento municipal da Corporación, presenta a seguinte Moción para o seu debate plenario, relativa á revisión ou compensación do acordo de exención do pagamento do Imposto sobre bens inmóbeis(IBI) por parte da Igrexa Católica.
MOCIÓN RELATIVA Á REVISIÓN OU COMPENSACIÓN POR ACORDO DE EXENCIÓN DO PAGAMENTO DO IBI POR PARTE DA IGREXA CATÓLICA.
EXPOSICIÓN DE MOTIVOS
En función dos acordos subscritos entre o Estado español e a Santa Sé en 1979, a Igrexa católica conserva algúns privilexios, entre eles económicos, como estar exenta do pagamento do IBI por todos os bens inmóbeis que posúe.
A Igrexa posúe en Viveiro, un total de 126 propiedades entre os que se inclúen leiras, reitorais, pisos, igrexas, casas, cemiterios, solos sen edificar,etc. Cunha superficie total de 202.330 m2. Trátase de 126 propiedades, que segundo os datos do Catastro, a día de hoxe non tributan no Concello de Viveiro.
A Igrexa conta con 72 bens de natureza urbana, cunha superficie de 61.100 m2, esta exención supón que o Concello deixa de tributar por unha base impoñíbel total de 3,1 millóns de euros cada ano en bens inmobles de natureza urbana. Isto supón que co tipo vixente do imposto, un 0,792, estariamos a falar dun buraco fiscal considerable para as arcas municipais do Concello de Viveiro, estimado en 24.700 euros na totalidade dos bens urbanos da Igrexa Católica.
En canto aos bens de natureza rústica a Igrexa conta cun total de 54 propiedades cunha superficie de 141.230 m2 en propiedade cun valor total de 8.768,91€, co que deixarían de abonar ao concello no correspondente ao IBI un total de 730 euros.
Nun informe de 2010, a Dirección xeral do Catastro daba cifras do patrimonio estritamente relixioso da Igrexa católica en Galiza: 7.691 inmóbeis e un valor catastral de 426 millóns, cantidade que non repercute nos orzamentos municipais, de ningún dos Concellos do noso País.
En Viveiro, polo tanto, deixamos de ingresar máis de 25.000 euros con esta exención, que tal e como se atopa a situación económica, contribuirían ano a ano, a mellorar a situación do Concello de Viveiro, así como os servizos que o noso Concello presta a totalidade das veciñas e veciños de Viveiro.
Por todo isto o Grupo Municipal do Bloque Nacionalista Galego de Viveiro, presenta para a súa aprobación o seguinte:
ACORDO
1. O PLENO DA CORPORACIÓN MUNICIPAL DE VIVEIRO, INSTA AO GOBERNO DO ESTADO A DEMANDARLLE Á IGREXA CATÓLICA O PAGAMENTO DO IBI, POLOS NUMEROSOS BENS INMÓBEIS QUE POSÚE QUE, EN CASOS COMA O DE VIVEIRO SUPÓN UNHA DISMINUCIÓN CONSIDERABLE NOS INGRESOS MUNICIPAIS, POIS DEIXAMOS DE PERCIBIR 25.000 EUROS ANUAIS POLOS BENS DE USO ECLESIÁSTICO.
2. NA SÚA FALTA, NEGOCIAR COA IGREXA CATÓLICA UNHA COMPENSACIÓN CO CONCELLO DE VIVEIRO, POR ESTAR EXENTA DO PAGAMENTO DO IBI, QUE PODERÍA CONSISTIR NA CESIÓN GRATUÍTA DE BENS INMOBLES ECLESIÁSTICOS QUE ESTÁN DESOCUPADOS OU NA ACHEGA DUNHA CANTIDADE ECONÓMICA EQUIVALENTE.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
