VEIGA ANUNCIA O INVESTIMENTO DE 200.000 EUROS PARA LEVAR A CABO O PROGRAMA DE IGUALDADE “TEMPOS DE MULLER”
“Tempos de Muller” consistirá nun programa de dinamización social no campo da igualdade de oportunidades que se levará a cabo nos concellos lucenses de menos de 5.000 habitantes
En contraposición, Antonio Veiga criticou á Xunta de Galiza pola “continuación do desmantelamento das áreas sanitarias da Mariña e Monforte co Plan de Ordenación de Recursos Humanos do SERGAS do 18 de maio”
Lugo, 25 de maio de 2012. O vicepresidente da Deputación de Lugo e responsábel das Áreas de Benestar Social, Deporte, Igualdade e Mocidade, o nacionalista Antonio Veiga, na rolda de prensa de hoxe posterior á Xunta de Goberno, anunciou que se “aprobou o investimento de 200.000 euros para levar a cabo o programa de igualdade “Tempos de Muller” que consistirá nun programa de dinamización social no campo da igualdade de oportunidades que se levará a cabo nos concellos lucenses de menos de 5.000 habitantes”.
Segundo explicou Antonio Veiga, este programa vai permitir “reducir a fenda das desigualdades sociais entre as mulleres, as persoas maiores e nenos e nenas das zonas rurais fronte ás urbanas, levando a cabo accións de dinamización social que afonden no benestar das persoas, contribuíndo para logralo a que se faga efectivo o principio de igualdade de oportunidades para todas as persoas, a participación da muller, da terceira idade, dos nenos e nenas e das persoas con discapacidade. Nesta liña, o programa pode verse como unha continuación ou aprofundamento do programa xa levado a cabo “Todos a Xogar”, que se avaliou de xeito extraordinario xa que conseguiu acadar todos os obxectivos que perseguía, chegando a cada recuncho dos nosos pobos e vilas para promover a actividade física e a socialización da nosa xente”.
Por outra banda, Veiga informou de que se aprobaron as bases que regularán as subvencións en concorrencia competitiva para deportistas individuais para o cal se destinarán 70.000 euros. Segundo explicou Antonio Veiga, esta convocatoria de bolsas ten como finalidade “apoiar a deportistas que compiten de xeito federado en modalidades individuais e non poden acceder a outro tipo de convocatorias desta institución xa que se accede mediante equipos nas outras liñas que mantemos de apoio”. Antonio Veiga explicou que se abren catro liñas de concorrencia en función da idade (A) até os 16 anos –dotada con 25.000 euros; B) de 17 anos a 25 anos –dotada con 32.000 euros por ser o rango onde se concentran o maior número de solicitudes; C) maiores de 25 anos –dotada con 9.000 euros; e D) deportistas con algún tipo de casuística especial ou excepción, coma o feito de sufrir unha lesión en 2011 pero avalados por unha traxectoria ou deportistas con discapacidade, que contará con 4.000 euros. A cantidade máxima que poderá recibir cada deportista será de 2000 euros. Veiga lembrou que “desde a Área de Deportes mantivemos o investimento do ano pasado, igual que non se recortou ningunha liña de axudas con respecto ao ano pasado, e tamén hai que lembrar a importancia destas axudas que o ano pasado beneficiaron a 150 deportistas lucenses, o que é unha cifra nada pequena e que se pode considerar moi positiva” e que nos próximos días sairá a convocatoria oficial publicada no BOP, a partir do que xa se poderán presentar as solicitudes no prazo dun mes.
Por outra banda, fóra dos asuntos da Xunta de Goberno, Veiga criticou á Xunta de Galiza pola “continuación do desmantelamento das áreas sanitarias da Mariña e Monforte co Plan de Ordenación de Recursos Humanos do SERGAS do 18 de maio, xa que non é nada claro na súa definición sobre o modelo de estrutura e xestión das tres áreas sanitarias de Lugo e desde o BNG imos estar alerta diante dos calculados intentos de colar pola porta falsa o modelo de xestión integrada que toda a cidadanía protesta, como non hai máis que ver as plataformas en defensa da sanidade pública organizadas en Monforte de Lemos e A Mariña”.
Neste sentido, Veiga afirmou que “a Xunta está a xerar confusión coa redacción desta orde xa que as xerencias ou son propias de cada área ou simplifícase nunha provincial con xestión integrada pero non as dúas cousas á vez”. Veiga deixou claro que “as mobilizacións sociais na comarca da Mariña e Monforte foron quen de parar o Decreto de Xestión Integrada xa aplicado en Pontevedra, Ourense e A Coruña” e alertou sobre as intencións da Xunta de “intentar meter pola porta de atrás este modelo no que se continúa insistindo mesmamente nesta orde.”
Veiga lembrou que “no Plan de Ordenación de Recursos Humanos do SERGAS insístese na mobilidade do persoal dun centros hospitalarios a outros e tamén entre áreas sanitarias en función das necesidades asistenciais polo que detrás dos profesionais van os servizos e detrás dos servizos van os e as doentes, e non podemos consentir que no canto de mellorar as nosas infraestruturas e servizos sanitarios poidamos perder o que xa temos”.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
