FUENTE PARGA SUBLIÑA QUE NON HAI RECORTES SANITARIOS NIN SOCIAIS EN BARREIROS. OS POPULARES LEVAN AO PLENO DESTA TARDE UNHA MOCIÓN PARA QUE SE MANTEÑA O PLAN DE OBRAS E SERVIZOS DA DEPUTACIÓN DE LUGO.
Barreiros, 30 de maio de 2012. O alcalde, Alfonso Fuente Parga, subliñou hoxe que non hai recortes sociais nin sanitarios en Barreiros. Deste xeito sae ao paso das críticas verquidas nas últimas horas desde o BNG. Os populares levan ao pleno desta tarde unha moción para que se manteña o Plan de Obras e Servizos da Deputación Provincial de Lugo.
O rexedor explicou que “no pleno de hoxe debatiremos unha moción do PP na que se pide que se manteña o Plan de Obras e Servizos da Deputación Provincial de Lugo, un plan que sofre recortes e que permitía investimentos nas estradas dos concellos, nas traídas de auga e nos saneamentos e agora deciden reducilo. Destes recortes parece que se esquece o Bloque Nacionalista Galego que está aí codirixindo a Deputación luguesa”.
Á sesión plenaria de hoxe o BNG presenta dúas mocións. Fuente Parga dixo que “unha na que piden unha ordenanza de prantacións en montes, algo que resulta curioso, porque o BNG estivo gobernando na Xunta de Galicia, levaba estas competencias e ademáis publicou unha lei sobre prantacións, pero parece que agora non lles gusta ou queren que se poñan en marcha outras nos concellos, cando xa había unha que estaba por enriba da normativa municipal. E a outra moción versa sobre os recortes nos servizos sociais. Nesta cuestión parece que o BNG quere ocultar ao señor Antonio Veiga, vicepresidente da Deputación, e tamén ocultan os recortes que realiza a institución provincial á que tivo que obrigar a Xunta a participar, porque así se estableceu por lei cando estaba o bipartito, a colaborar cos concellos de menos de 20.000 habitantes. Agora non queren saber nada iso, porque non é o mesmo predicar que dar trigo”.
Ao alcalde de Barreiros sorpréndelle “que se fale de recortes sociais e sanitarios en Barreiros cando todos os veciños saben que no noso concello no centro médico seguen a traballar tres médicos e dous ats e incluso en época de crise, a maiores, temos o servizo de pediatría. Se fixeron tamén investimentos no centro médico para facer probas que antes había que realizar en Burela e tamén hai que recordar que cun goberno do PP os controis do sintrom se fan neste centro de saúde, cando antes había que ir a Burela. Falar de recortes sanitarios en Barreiros é un atrevemento por parte do BNG, porque os veciños son testigos da mellora destes servizos día a día”. O rexedor tamén se referiu aos servizos sociais e subliñou que “non hai a día de hoxe listas de espera na axuda a domicilio nin tampouco na gardería, conseguimos colocar a todos os nenos de Barreiros na gardería… houbo investimentos nos colexios e se manteñen todos os servizos a todos os cidadáns. Creo que o BNG debería mirar noutros concellos nos que goberna esta formación, deberían ir alí e explicar os recortes que levan adiante eses concellos nos que non goberna o PP. Tamén xurdirá no pleno, imaxino, falar do copago sanitario teño que lembrar que nunha xuntanza celebrada no Hospital da Costa na que participaba un alcalde do BNG, que é médico, naquela reunión él foi o primeiro que apuntou que habería que facer un copago sanitario. Foi o alcalde de Mondoñedo, e cómo é posible que agora o BNG se veña queixando do copago sanitario cando foi o primeiro que o pediu”.
Alfonso Fuente considera que “non é o mesmo estar na oposición que estar no goberno. Estar no goberno require tomar decisións e require esforzos para manter os servizos e eso é o que hai que facer. E nós o que lle pedimos aos veciños foi un esforzo económico, baseándonos na lei que aprobou o BNG cando estaba na Xunta, para poder seguir mantendo uns servizos, insisto baseándonos na lei nunca fora dela”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
