A COPA DE ESPAÑA VOLVE UNIR O BURELA FS E O CAJASUR CÓRDOBA (VALLADOLID, 8-10 DE XUÑO)
A Copa de España volverá unir as traxectorias do Burela FS Pescados Rubén e o Cajasur Córdoba nos cuartos de final, un ano despois da cita de Vista Alegre. O pavillón Pilar Fernández Valderrama de Valladolid acollerá a vixésimo oitava edición entre o 8 e o 10 de xuño.
Os sete primeiros clasificados na liga e o anfitrión do torneo, o Valladolid, buscarán un título do que é vixente campión o Móstoles FSF. Os cuartos de final arrincarán o venres ás 10.15 horas, co enfrontamento entre o segundo, Móstoles, e o sétimo, Femesala Elche; o conxunto de Javier Pardeiro, que rematou no peche do podio, medirase ás cordobesas, sextas na liga, ás 12.30 horas. Pola tarde enfrontaranse C Queralt Gironella, cuarto, e Ponte Ourense, quinto, ás 17.15 horas, e finalmente o campión 2011-12, Atlético de Madrid Navalcarnero, e o equipo local, a partir das 19.30 horas.
Os gañadores loitarán pola final o sábado. No caso de saír vitoriosas da primeira batalla, as xogadoras laranxas deberán verse as caras co gañador do Navalcarnero-Valladolid, ás 19.30 horas. O campión de España decidirase o domingo, a partir das 12.00 horas.
Segundo informou o Valladolid FSF no seu twitter (@Valladolid_FS), a entrada para cuartos de final custará 8 euros (4 para a sesión matutina e 4 para a vespertina), as semifinais 4 € e a final 4 €.
Venres 8 de xuño – CUARTOS DE FINAL
10.15 horas: Móstoles-Femesala Elche (1º)
12.30 horas: Burela FS Pescados Rubén-Cajasur Córdoba (2º)
17.15 horas: C. Queralt Gironella-Ponte Ourense (3º)
19.30 horas: At. Madrid Navalcarnero-Valladolid (4º)
Sábado 9 de xuño – SEMIFINAIS
17.15 horas: Vencedor 1º-Vencedor 3º
19.30 horas: Vencedor 2º-Vencedor 4º
Domingo 10 de xuño
12.00 horas: FINAL
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
