Preséntase “Acrobata”, o novo traballo de Ugia Pedreira e Fred Martins
Os compositores Ugia Pedreira e Fred Martins presentaron o vindeiro mes de xuño do ano pasado, “Acrobata”, o resultado dunha conxunción artística natural xermolada tras un encontro entres os dous artistas que tivo lugar en Rio de Janeiro.
Tres anos despois daquela unión nace este disco de autor con composicións orixinais e propias de ambos que sera lanzado como un exercicio de verticalidade, é dicir, como unha obra que se mira hacia dentro e se identifica có sinxelo, o íntimo e o reducido mostrando sen demostrar. Trátase, pois, dun traballo que navega entre os dous extremos que delimita a sensibilidade e a forza.
A palabra é unico vestiario deste traballo onde as linguas galega e portuguesa se saudan dun xeito cordial e responsable. É a poesía a auténtica protagonista e a única con poder aboluto en todas estas composicións engalanadas coa música. “Acrobata” é, sen lugar a dúbidas o mellor exemplo pop do achegamento da Música Popular brasileira (MPG) coa Música Popular Galega (MPG).
Ugia Pedreira+Fred Martins: MPG+MPB
Ugia Pedreira é xa unha artista e compositora consolidada no panorama artísitico galego. É unha das caras visibles de proxectos musicais xa coñecidos como Nordestin@s, Ecléctica Esemble ou Marful, entre outros. Fred Martins xa ten publicados catro discos como cantor e compositor. Os seus temas foron gravados por artistas universais do Brasil como Ney Matogrosso, Maria Rita ou Zélia Duncan.
“’Acrobata’ é orballo quente de verán, chuva lenta que abona. É un disco feito para fantasear, para sonar en branco e negro e cor. As cancións voan e teñen a súa propia autonomía”, afirma Pedreira. Pola súa banda , Fred Martins incide na idea de que “este traballo activa mediante a palabra o circuíto dos sentimentos. É un disco con alas”.
Carrán, o acrobata do ar
A viaxe de ida e volta deste disco ven definida, metafóricamente, polo Carrán, unha ave que realizada un percorrido de Norte a Sur facendo parada para comer nas costas galegas. Esta ave ártica é a criatura da terra que máis luz recibe e a súa viaxe migratoria é a máis longa do reino animal – equivalen a tres percorridos de ida e volta à Lúa – é por iso que tamén é coñecido como anduriña de mar ou a ave do sol. O Acrobata, ademais, é outra ave que habita exclusivamente nunca pequena rexión do Sur de Bahía, descuberto no 1996 en Brasil e xa en perigo de extinción.
Créditos
“Acrobata” foi gravado nos Estudios Beograd, o Auditorio de Galicia e o Conservatorio de Ourense, sendo técnico Arturo Valdasano. As gravacións adicionais foron feitas por Quim Farinha, Luis Peixoto, Germán Díaz, Marcelo Martins e Marcos Suzano. Este traballo está producido e dirixido musicalmente por Pedro Pascual, misturado e masterizado en Savik Sound (Caritel-Ponte Caldelas) có técnico Xosé Trincado “Triki” en marzo de 2011.
Colaboradores: Pablo Pascual, José Diaz, Alejandro Vargas, Germán Diaz, Marcelo Martins, Marco Suzano, Luis Peixoto ,Quim Farinha, Marcos Vázquez.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
