O 22 DE XUÑO CHEGA O RIBADEO ABERTO, UNHA XORNADA NA QUE AS TENDAS ABRIRÁN AS SÚAS PORTAS ATA AS ONCE E MEDIA DA NOITE E OFRECERÁN Á SÚA CLIENTELA DESCONTOS E SORPRESAS. NA RÚA HABERÁ POESÍA, DANZA E PINTADO DE ESCAPARATES. A INICIATIVA ESTÁ ORGANIZADA POR ACISA E CONTA COA COLABORACIÓN DO CONCELLO E DE SONDA NORTE.
Ribadeo, 15 de xuño de 2012. A Asociación de Comerciantes, Industriais, Servizos e Autónomos organiza un novo evento denominado Ribadeo aberto, que terá lugar o vindeiro 22 de xuño. Trátase de manter os establecementos asociados abertos ata as 23:30 horas para que os que o desexen poidan facer as súas compras ata esa hora da noite. Todo salpicado con interesantes propostas realizadas por varios locais comerciais, e con música e poesía nas rúas a cargo de Sonda Norte.
En total 60 tendas ofrecerán descontos e sorpresas nesa noite tan especial, ademáis doutras moitas propostas. Segundo explica Roberto Rivas, presidente de ACISA, “haberá sesións de aromaterapia, exposición de tocados, peiteados exprés, exposición de traxes de finais do século XIX, grabación de eventos, obradoiros infantís, photocall de mascotas, entre outras moitas actividades”.
ACISA organiza o Ribadeo aberto, que conta coa colaboración de Sonda Norte e do Concello. Na tarde-noite do venres 22 de xuño haberá pintado de escaparates con Andrea Lombardía, recitais de poesía na rúa con Silvia Murias, Héctor Peña e Víctor Villar e actuación da Escola de Danza de Ribadeo nas Catro Rúas a diferentes horas.
Rivas Tomé sinala que “con esta proposta queremos animar á xente a facer a súas compras durante a noite e a disfrutar das sopresas e dos descontos que lles farán nas tendas. Todo estará aderezado con infinidade de actividades realizadas nos propios locais e outras na rúa con Sonda Norte e a Escola de Danza de Ribadeo. Queremos que a do 22 de xuño sexa unha noite moi especial da que disfrutemos todos, comercios e clientes, e que esta cita nos sirva para darlle a benvida ao verán”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
