En resposta a unha pregunta formulada hoxe na Comisión de Ordenación Territorial, Obras Públicas e Urbanismo do Parlamento de Galicia
O DIRECTOR XERAL DO IGVS CONFIRMA A BALSERIO QUE O GOBERNO LOCAL DE VIVEIRO NEGOU ATA EN CATRO OCASIÓNS INFORMACIÓN SOBRE AS ACCIÓNS XUDICIAS CONTRA A EMPRESA CAUSANTE DOS DANOS DO CELEIRIÑO
O deputado popular asegura que o Goberno bipartito municipal está caracterizado pola súa “inoperancia, ocultación e falta de transparencia” e polo “absoluto desinterese por dar solución a este problema que leva aos veciños a estar cansados de promesas incumpridas”.
O IGVS mantén o ofrecemento de colaboración e sinala como imprescindible que o Concello tramite unha solicitude de área de rehabilitación integral para esta zona e así os veciños recibirían axudas autonómicas e estatais para a rehabilitación das vivendas, sen ningún custe para o concello.
Santiago, 15 de xuño de 2012.- O director xeral do Instituto Galego de Vivenda e Solo (IGVS), Antonio José Boné, confirmou hoxe a preguntas do deputado popular Jose Manuel Balseiro que o Goberno local de Viveiro –presidido polo socialista Melchor Roel- negou ata en catro ocasións a información solicita sobre o inicio das accións xudicias que o Concello ten que dirixir contra a empresa causante dos danos do barrio do Celeiriño.
O IGVS requiriu esta información do Concello por medio de escritos remitidos nos meses de outubro, novembro e decembro de 2010 e febreiro de 2011. En ningún dos casos o concello respondeu a ditos escritos
O director xeral despois de lembrar que a orixe do problema foron unhas obras efectuadas por unha empresa privada e autorizadas polo Concello de Viveiro sinalou que “é lóxico pensar que debe ser o causante dos danos o que o repare e corra cos custes correspondentes”. Nesa liña, Antonio Boné urxíu ao alcalde a efectuar a reclamación xudicial indispensable para, entre outras peticións, recuperar uns cartos públicos que cuantificou en 890.680 euros investidos pola Xunta nas actuacións de emerxencia executadas tras o desmoronamento do barrio celeirense.
INOPERANCIA, OCULTACIÓN E DESINTERESE
Pola súa parte Jose Manuel Balseiro dixo que o Goberno bipartito municipal está a caracterizarse na xestión deste asunto pola súa “inoperancia e ocultación, pois se non houbera ocultación xa tería efectuado fai moito tempo esa reclamación xudicial que se acordou promover por unanimidad do Pleno Municipal”.
Balseiro cree que á “falta de transparencia total e absoluta” coa que acúa o Concello hai que sumar “o desinterese do Alcalde por dar solución a este problema” que –segundo explicou- “leva aos veciños a estar cansados de tantas promesas incumpridas”. De feito sinalou que “despois de catro anos os veciños non poden volver aos súas vivendas e estas están nunha situación moito peor, sin que ao Concello pareza importarlle”
O deputado mariñán sinalou que o que preocupa ao Grupo Popular é que se lle dea “solución definitiva” aos problemas que alí continúan para que os veciños “dunha vez por todas” sepan o camiño a seguir: “se poden volver as súas vivendas, se valen para rehabilitar, que se rehabiliten, e se non que se lles dea unha solución porque como sabe –expuso Balseiro- os veciños están fora das súas vivendas, están en vivendas de aluguer e loxicamente fora do Celeiriño e do que eran os seus fogares”
SOLICITAR UNHA ÁREA DE REHABILITACIÓN
En respota a esta cuestión Boné lembrou que as axudas que a anterior Consellería de Vivenda comprometeu “eran legalmente inviables, porque só se poderían aplicar en zonas rurais e núcleos históricos, características que non cumple o Celeiriño” e insistiu en que a “alternativa viable” é que o Concello de Viveiro solicite a área de rehabilitación integral para esta zona. A este respecto amosou a máxima colaboración e disposición do Goberno galego e lembrou que esta non é unha figura descoñecida para o Concello xa que en 1988 solicitou a área de rehabilitación integral para o conxunto histórico da cidade, sendo a segunda ARI que se declarou en Galicia.
“O Concello conoce de sobra os beneficios dunha área de rehabilitación e sabe tamén que as axudas para rehabilitación de vivendas procederían únicamente da Xunta de Galicia e do Ministerio de Fomento, sen custe para as arcas municipais” –dixo Boné- polo que resulta incomprensible que “varios anos despois aínda non fixera a súa solicitude” e por riba, “converta a Xunta de Galicia no blanco das súas reclamacións no canto de reclamarlle á empresa privada causante dos danos e responsable da súa reparación”
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
