O VINDEIRO LUNS, 18 DE XUÑO, ÁBRESE O PRAZO DE INSCRICIÓN NAS ACTIVIDADES DE VERÁN QUE ORGANIZA O CONCELLO PARA OS NENOS EMPADROADOS EN BURELA E NACIDOS DE 1999 A 2009. VOLTA A OCIOTECA PARA CONCILIAR A VIDA LABORAL E FAMILIAR E HABERÁ ACTIVIDADES DEPORTIVAS E MEDIOAMBIENTAIS.
Burela, 15 de xuño de 2012. O vindeiro luns, 18 de xuño, ábrese o prazo de inscrición para anotarse nas actividades de verán que organiza o Concello para os nenos empadroados en Burela e nacidos entre os anos 1999 e 2009. Son variadas as propostas elaboradas polas Concellerías de Xuventude e Deporte e Mar e Medio Ambiente.
Desde a Delegación de Xuventude e Deporte (a cargo do monitor deportivo do concello) ofértanse de luns a venres de 11 a 13 horas patinaxe, xogos tradicionais e deportivos e xogos na praia. O patinaxe será luns, martes e xoves de 11 a 12:30 da mañá para iniciación (de 3 a 7 anos) e luns e xoves de 12:30 a 14 horas haberá patinaxe (para os nenos de 8 a 12 anos). No caso dos xogos tradicionais e deportivos serán os martes de 11 a 12:30 horas para nenos de 3 a 7 anos e de 12:30 a 14 horas para os rapaces de 8 a 12 anos. E os xogos na praia serán os mércores de 12:30 a 14 horas e os venres de 11 a 14 horas.
Dende a Delegación de Mar e Medio Ambiente (a cargo das monitoras do centro de educación ambiental Gaia), organizarase ao igual que o ano pasado a ocioteca para conciliar a vida laboral e familiar. O horario da ocioteca será de luns a venres de 9 a 13.30 horas (no CEIP Vista Alegre). Segundo explica Patricia López Eijo “terán prioridade os nenos de pais activos laboralmente (será preciso xustificalo documentalmente) e os fill@s de mulleres vítimas de violencia de xénero.
Na ocioteca as actividades que se levarán a cabo serán múltiples e variadas: haberá obradoiros de reciclaxe, globoflexia, murais, animación á lectura, xogos de animación, de mesa, xogos no exterior, xogos populares, ademais de manualidades e fichas de repaso de coñecementos”.
López Eijo sinalou que “tamén serán frecuentes as actividades de carácter medioambiental aproveitando os recursos naturais que nos ofrece o Concello: limpeza dunha praia, visita ao barco museo, identificación da flora e fauna do noso litoral, concurso de debuxo na praia, coidado dos xardíns do concello, etc.
A conciliación da vida laboral e persoal das familias, e a contribución ao desenrolo persoal e social dos nenos son os obxectivos primordiais desta campaña”. E engadiu que “na ocioteca tratarase de fomentar a creatividade, a interculturalidade, o deporte e o respecto, a través de actividades coeducativas, socioculturais e deportivas mediante talleres, xogos, saídas, manualidades, contacontos…”.
O prazo de inscripción para apuntarse nestas actividades estará aberto desde o vindeiro luns, 18 de xuño, ata o día 26 de xuño. As fichas de inscrición e demais documentación entregaranse no Concello de Burela. Todo aquel que non teña formalizada e entregada a ficha de inscrición nas datas indicadas, non poderá asistir ás actividades. O 29 de xuño farase pública a lista de admitidos no Concello e as actividades desenvolveránse do 2 de xullo ao 31 de agosto.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
