O Partido Popular local denuncia que Mondoñedo estea a vivir unha ditadura imposta pola bipartito en materia de tráfico
Os populares explican que Orlando González rexeita calquera ofrecemento de traballo e colaboración do seu grupo en materia de tráfico
O grupo popular critica a intención do bipartito de peatonalizar o casco urbano de Mondoñedo sen ofrecer alternativas ao estacionamento
O PP local acusa ao bipartito de pouco traballador, de desinformación e de falta de compromiso cos mindonienses
Mondoñedo, 15 de xuño de 2012- Trala sesión plenaria celebrada onte en Mondoñedo, o Partido Popular de Mondoñedo considera que a actitude do goberno do PSOE e do BNG conleva que a localidade sufra unha ditadura en materia de tráfico. O grupo municipal do PP critica que a intención do bipartito sexa a de peatonalizar todo a caso urbano na localidade, sen ofrecer alternativas de estacionamento, desoíndo as demandas dos veciños e negocios asentados na localidade e rexeitando calquera proposta de colaboración e de traballado ofrecida polo grupo popular.
Ante esta actitude autoritaria do goberno bipartito liderado por Orlando González, o Partido Popular lamenta os trastornos ocasionados aos veciños e manifesta a súa pretensión de continuar traballando para que o bipartito rectifiquen unha decisión que repercute negativamente na vida dos mindonienses e na economía dos negocios da zona.
Os populares recordan que unha vez máis a actitude amosada polo bipartito na sesión plenaria pon de manifesto que a xestión de goberno do BNG e do PSOE denegra a imaxe de Mondoñedo e dificulta a residencia na localidade. As novas subidas de taxas, en algún caso, segundo denuncian os populares, sen criterio equitativo de reparto da carga impositiva, provocan que dende que Orlando González é alcalde, vivir en Mondoñedo sexa máis caro e máis incómodo.
O PP local levou a debate plenario unha iniciativa na que solicitaba a implicación da Deputación en materia de servizos sociais e cumprise así o organismo provincial co seu deber regulado por lei. O PP manifesta a súa sorpresa pola desinformación do bipartito local nesta área e critica ao mesmo tempo o despedimento dunha das traballadoras en base á falta de financiamento cando a xulgar pola informacion vertida nos medios polo vicepresidente da Deputación provincial de lugo, asi como a xunta de goberno do mesmo organo, esta subvención está garantido por decreto. O PP tivo coñecemento do despedimento da traballadora municipal pola entrega das resolucións da alcaldía.
Ante a actitude vertida polo goberno municipal durante o pleno, o PP local considera que o “pouco traballo, a desinformación e a falta de compromiso dos mindonienses é a forma de xestión que mellor define ao bipartito mindoniense”. Para o populares resulta sorprendente que Orlando González se preocupe por acadar unha subvención nominativa excepcional para contratar un novo contable e descoñezan que a Deputación acaba de facer unha modificación de orzamento para facerlle fronte ao compromiso marcado polo novo decreto que regula o financiamento dos servizos sociais.
O PP local tamén critica o voto en contra do BNG e do PSOE en relación as alegacións presentadas polo Partido Popular na Ordenanza da Inspección Técnica de Edificacións. Os Populares solicitaban que o custo das inspeccións se articulasen de xeito máis economico para os mindonienses tamén que a administración local elaborase un Padrón de Edificios suxeitos a inspección para facilitar así o cumprimento do deber de conservación.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
