Exito de público na 1ª xornada de portas abertas organizada pola Escola de Imaxe e Son
– Centos de lucenses participaron nunha xornada que acadou o seu obxectivo de dar a coñecer a preparación que os alumnos da Escola reciben de cara a súa inserción laboral
-Numerosos representantes de produtoras, medios de comunicación, centros educativos e asociacións participaron nas prácticas de radio, televisión e fotografía
-Mañá clausúrase oficialmente o curso co cineasta Ángel de la Cruz como padriño da oitava promoción da EIS
Centos de lucenses participaron este mércores na primeira xornada de portas abertas, Habertic, organizada pola Fundación TIC nas instalacións da Escola de Imaxe e Son de Lugo, o único centro público da provincia que imparte ensinanzas da rama auidiovisual. Os alumnos da Escola, co apoio de docentes e técnicos, puxeron en práctica os coñecementos adquiridos durante o curso a través de obradoiros de radio, televisión e fotografía abertos á participación de todos os que se achegaron ata as instalacións da EIS ó longo da xornada. Dende as 10:00 ata as 22:30 horas, Habertic incluíu a proxección das curtametraxes producidas e realizadas polos alumnos da promoción 2011-2012, catro representacións teatrais e a entrega dos premios TIC ós mellores traballos, elixidos polos propios alumnos.
O Deputado de Economía do Coñecemento, Emprendedores e Innovación e patrono da Fundación TIC, José Ramón Val Alonso, quixo agradecer a destacada participación dos lucenses nas actividades desenvolvidas ó longo do día, porque “queremos abrir a Fundación TIC á tódolos sectores da sociedade, que coñezan o labor diario que técnicos e alumnos realizan, facendo prácticas reais cos mellores medios, o que supón unha inmellorable preparación de cara á súa futura incorporación ó mercado laboral”
A TIC coa sociedade lucense
Representantes de produtoras, organizacións relacionadas co mundo audiovisual e medios de comunicación coñeceron de primeira man a formación adquirida polos alumnos durante o curso. Entre outros, Lugopress, Amalgama Comunicacións, Trasmedia Comunicacións, Imaxina Deseño, Arcavisual, Estudos Abrigueiro e responsables da Semana Internacional de Cine de Autor. Tamén foron testemuñas das actividades desenvolvidas membros da Federación de Asociacións de Veciños e outras organizacións coas que colabora habitualmente a TIC, como o clube de hockey Lóstregos e “Proxecto Danza”. A nota de cor puxérona varios membros das Cohors Lucensium ataviados de soldados romanos.
Ó longo de todo o día tamén participaron varios centros educativos. Alumnos e profesores dos IES Lucus Augusti, Muralla Romana, Leiras Pulpeiro e A Nosa Señora dos Ollos Grandes; dos colexios San Xosé e Padres Franciscanos e das Escolas de Idiomas, Artes Aplicadas e Tradescola, que colaboraron cos alumnos da Escola de Imaxe e Son na realización de prácticas de radio, fotografía e televisión.
Radio, televisión e fotografía na EIS
Unha das actividades que máis éxito acadou entre o público participante foron as que tiveron lugar no obradoiro de televisión, no que os alumnos da EIS amosaron como funciona un equipo televisivo, cun set de entrevistas, un fotocall con “cromas”, unha unidade móbil e un equipo de reporteiros gráficos. Tamén o programa de radio que se realizou neste obradoiro foi moi participativo, con entrevistas a alumnos e exalumnos, a representantes de diversas organizacións e a moitos dos lucenses que se achegaron ata o estudo. O programa radiofónico escoitouse en directo a través dun sistema de megafonía e incluíu seccións nas que se lembraron fragmentos das prácticas feitas durante o curso. Habertic tamén incluíu a proxección continua de todas a curtametraxes “Devil”, “Enfoques”, “O xogo da pólvora” e “Sen Saída”, producidas e realizadas polos alumnos ó longo do ano,
Un gañador de tres Goyas coma padriño
Este xoves terá lugar no salón de actos da Deputación o acto de clausura do curso académico 2011-2012, será presidido polo máximo responsable da Fundación, José Ramón Gómez Besteiro. O acto contou coa presenza de Ángel de la Cruz, destacado director, guionista e produtor, que exerceu de padriño da promoción. Membro da Academia de las Artes y las Ciencias Cinematográficas de España e da Academia Galega do Audiovisual, ten no seu haber tres premios Goya, o último deles ó mellor guión pola longametraxe de animación “Arrugas”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
