ECONOMÍA E INDUSTRIA FACILITA CO RE-IMAXINA O ACCESO AO FINANCIAMENTO PARA IMPULSAR A COMPETITIVIDADE DAS PEMES GALEGAS
Con este programa apóiase a posta en marcha de novas iniciativas de investimento, así como a apertura de liñas de negocio
As empresas, que deberán presentar as súas solicitudes ata o 14 de setembro, poderán acceder a créditos de ata 120.000 euros con condicións vantaxosas
O obxectivo é chegar a máis de 1.000 proxectos de pemes galegas apoiados ao longo desta lexislatura
O programa conta con tres liñas diferenciadas: microcréditos para empresas con menos de 10 empregados, Peme Xove (de menos de 2 anos) e Peme Competitiva (con máis de 2 anos)
Santiago, 26 de xuño de 2012.- A Consellería de Economía e Industria vén de activar, a través do Igape, unha nova edición do Re-Imaxina, un programa que ten por obxectivo impulsar a competitividade das pemes galegas facilitándolles o acceso ao financiamento para a posta en marcha de novas iniciativas de investimento e a apertura de liñas de negocio, contribuíndo así á creación de emprego.
Con esta nova convocatoria prevese chegar á cifra de máis de mil proxectos de pemes apoiados ao longo da lexislatura ao abeiro deste programa nas distintas edicións. O programa conta con tres liñas diferenciadas que lles permitirán aos beneficiarios acceder a préstamos de ata 120.000 euros con condicións vantaxosas: Microcréditos (para empresas de menos de 10 empregados), Peme Xove (de menos de 2 anos) e Peme Competitiva (con máis de 2 anos).
As operacións formalizadas ao abeiro do Re-Imaxina contarán co aval dunha sociedade de garantía recíproca polo 100% do importe do financiamento. Os interesados deberán presentar as súas solicitudes na entidade de crédito ata o vindeiro 14 de setembro. Colaboran con este plan Caixa Rural Galega, Banco Etcheverría, Banco Gallego, Novagalicia Banco, BBVA, Banco Pastor, Banco Popular Español e Targobank, así como as sociedades de garantía recíproca Sogarpo e Afigal.
Liña de microcréditos
Poderán beneficiarse da liña Microcréditos as empresas con menos de 10 traballadores e cunha cifra de negocios anual que non supere os 2 millóns de euros. O importe do préstamo, que pode alcanzar ata o 100% dos investimentos financiables, será dun máximo de 25.000 euros, cun tipo de xuro nominal anual fixo do 4,50%. O prazo de reembolso será de 5 anos, incluído ata 1 ano de carencia na amortización do principal.
Financiamento para mellorar a competitividade
Coa liña Peme Competitiva facilítase o acceso ao crédito de pemes que leven desenvolvendo a actividade para a que solicita o financiamento máis de dous anos. O importe do préstamo será de 25.000 ata 120.000 euros, chegando ata un 75% dos investimentos financiables. O tipo de xuro nominal anual variará por semestres e determinarase tomando como tipo de referencia o euribor a 6 meses, máis un diferencial de 2,5 puntos porcentuais. O prazo de reembolso será entre 5 e 7 anos, incluído ata 1 ano de carencia na amortización do principal. Co obxectivo de impulsar a iniciativa emprendedora, na liña Peme Xove, que conta cos mesmos apoios que a liña Peme Competitiva, a porcentaxe de apoio ao investimento chega ata o 90%, e ademáis permite financiar terreos, edificiacións e os aprovisionamentos e gastos necesarios para a posta en marcha do proxecto.
Re-Emprende
Tamén no eido do apoio ao emprendemento, Economía e Industria mantén activo o programa re-Emprende 2012, dotado de 2 millóns de euros, para apoiar os novos investimentos, comprendidos entre 35.000 e 500.000 euros, promovidos por emprendedores ou pemes de recente creación –ata un ano–, ou a posta en marcha de novas actividades por autónomos. As axudas concedidas dentro deste programa parten dun mínimo do 15% do investimento apoiable e poden chegar ata o 50%, no caso das pequenas empresas. Ademais, e dentro do compromiso do actual Goberno coa dinamización empresarial dos territorios amparados por plans especiais como son os Impulsa Lugo, Impulsa Ourense, Plan Ferrol, Eume e Ortegal e Plan Revive Costa da Morte, garántese nestas zonas unha axuda mínima do 25%.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
